Накъыгъэм и 9-м, Текӏуэныгъэм и махуэшхуэм, Черкесск щекӏуэкӏащ Покров члисэм щыщӏэдзауэ къалэ кхъэжьым нэс хабзэ хъуауэ къыщызэрагъэпэщ жор зекӏуэр.
Пэкӏум щӏидзэн и пэ къихуэу дин лэжьакӏуэхэмрэ Черкесск благочинием и члисэхэм екӏуалӏэхэмрэ Зиусхьэну Тхьэм фӏыщӏэ хуащӏащ. Итӏанэ жор зекӏуэм хэтхэр къыщыувыӏащ протоиерей Афонин Василий — Хэку зауэшхуэм и ветерану члисэм и тыхь щӏапӏэм деж щыщӏалъхьам и кхъащхьэм деж. Мыбдеж дин лэжьакӏуэхэм хьэдэщӏэлъхьэ къулыкъур щрагъэкӏуэкӏащ Къэрэшей-Шэрджэсым и мэлыхъуэ — Хэкум и хъумакӏуэхэм ятеухуауэ. Тхьэ елъэӏуащ протоиерей Афонин Василий, протоиерей Пономарев Николай, протодиакон Гамиев Василий, дзэ Iуэху хэхам хэкӏуэда зауэлӏхэм папщIэ.
Абы иужькӏэ ӏутӏыж тхьэлъэӏухэр жиӏэурэ жор зекӏуэм хэтхэм къалэ кхъэжьымкӏэ иунэтӏащ. Хэку зауэшхуэм и илъэсхэм Черкесск и сымаджэщхэм дунейм щехыжа зауэлӏхэр щыщӏалъхьа щӏыпӏэм щыӏэ фэеплъым деж дин лэжьакӏуэхэм хьэдэщӏэлъхьэ къулыкъу щрагъэкӏуэкӏащ.
Тхьэлъэӏур щиухым Черкесск округым и благочиннэ протоиерей Нартов Александр ягу къигъэкӏыжащ Хэкум и хъумакӏуэ дэхуэхахэм я фэеплъыр хъумэныр дэтхэнэ цӏыхуми и къалэну зэрыщытыр.