Нобэ Мэсихь Къызэрытэджыжамкӏэ Члисэм (УФ-м и ВС-м и члисэ Нэхъыщхьэм) Москварэ Урысей псомрэ я Патриарх Кирилл Тхьэлъэӏу литургием и унафэщӏу щытащ. Тхьэлъэӏум папщӏэ уэрэдхэр игъэзэщӏащ Волковэ Варварэ и унафэм щӏэт «Урысейпсо сабий Текӏуэныгъэ хорым". Хорым уэрэд щыжаӏащ Свято - Георгиевскэ цӏыхубз къулъшырыфым и "София" екӏуэлӏапӏэ - пансионым и гъэсэнхэмрэ Кисловодск и Чристэн Свято-Никольскэ классикэ гимназием щеджэхэмрэ. Тхьэлъэӏу нэужьым Урыс Члисэм и Унафэщӏым хорым хэтхэм фӏэхъус псалъэкӏэ захуигъэзащ: «Хуабжьу фӏыщӏэ яхуэсщӏыну сыхуейт Текӏуэныгъэм и сабий хор — хор зэгъэуӏуам. Сэ къызжаӏащ фэ цӏыху щиблым фызэрынэсыр. Ар икъукӏэ телъыджэщ - апхуэдиз фызэрыхъури, сабий хорышхуэм апхуэдизу дахэу уэрэд зэрыжиӏэри. Фи гъащӏэм Зиусхьэныр фи гъусэ ирехъу, фӏэщхъуныгъэми, нобэ Зиусхьэным щӏыхь зэрыхуэфщӏ творчествэми фыщрегъэбыдэ».