КЪБР-м и Май районым и Щӏалэгъуалэ центрым еджакӏуэхэр щыӏущӏащ журналист, «Кавказ угъурлы» студием и корреспондент Осининэ Марие. Пятигорск епархием Тхьэм папщӏэ бэлыхь куэд зрагъэшэчахэмрэ фӏэщхъуныгъэм и псэбыдэхэмрэ ятеухуа тхылъхэр зи ӏэдакъэщӏэкӏым утыку кърихьащ «Живые помощи» романыщӏэр. Романыр зытеухуар ӏуэхугъуэ пэжхэмрэ архив дэфтэрхэмрэщ,Тэрч станицэм щыщ къэзакъ унагъуэм и щӏэблэ зыбжанэм я гъащӏэм теухуа тхылъыр «Золотое перо Руси — 2025» Лъэпкъ литературэ саугъэтым и лауреат хъуащ.
Май къалэм Тхьэм и Уэхьий Михаил и цӏэр зезыхьэ члисэм и унафэщӏ протоиерей Волошин Димитрий ягу къигъэкӏыжащ фӏэщхъуныгъэ пэжыр цӏыхум и гъэунэхуныгъэ нэхъ хьэлъэ дыдэхэми, псори быдагъэри щихъумэнымкӏэ сэбэп зэрыхъур. Осининэ Марие тепсэлъыхьащ дэфтэрэм зэрадэлажьэм, xx лӏэщӏыгъуэм чристэнхэр зэхэзехуэн зэращӏам, къэӏуэтэжыным теухуа политикэм. Уэршэр нэужьым «Живые помощи» тхылъыр школ, къалэ библиотекэхэм, Май районым и лъахэхутэ музейм и фондым тыгъэ хуащӏащ.