Щэнхабзэмрэ гъуазджэхэмкӏэ колледж Даур Аслъэн и цӏэр зезыхьэм щызэӏущӏащ ӏэщӏагъэ зэхуэмыдэхэм хуеджэ студентхэр, абыхэм я адэ-анэхэр, спорт зэгухьэныгъэм и лӏыкӏуэхэр, КъШР-м щӏыхь зиӏэ и артистхэр, егъэджакӏуэ-психологхэр, дин лэжьакӏуэхэр. Студентхэм къыддэгуэшащ иджырей щӏалэгъуалэр зыӏууэ гугъуехьхэмрэ ахэр зэрызэфӏахыну я нэгу щӏэкӏамрэ. Итӏанэ я зэфӏэкӏымрэ гупсысэхэмкӏэ къыддэгуэшащ Урысейм кикбоксингымкӏэ, спортымкӏэ и мастер Талипов Мурат, КъШР-м щӏыхь зиӏэ и артист Гагиев Мурат, Черкесск къалэм и ӏимам Семэн Динислам, Черкесск къалэм и Никольскэ члисэ зэхуэхьэсам и щоджэн иерей Гурин Александр, егъэджакӏуэ-психолог Шыкуэ Бэллэ, "Чарли" кинотеатрым и лӏыкӏуэ Хьэжы Ӏэсият сымэ. Щоджэным доклад ищӏащ: "Динымрэ фӏэщхъуныгъэмрэ: къарур щиухым деж щӏэгъэкъуэн къыщылъыхъуэн». Зэӏущӏэ нэужьым студентхэм хьэщӏэхэм упщӏэхэр иратащ.