Гъатхэ къэс Ставропольем и къэзакъ зэгухьэныгъэхэм шы зекӏуэ къыщызэрагъэпэщ. Мыгъэрейр траухуащ Хэку зауэшхуэм Текӏуэныгъэ Иныр къызэрыщытхьрэ илъэс 81-рэ зэрырикъумрэ Урысейм ис лъэпкъхэм я зэкъуэтыныгъэм и илъэсымрэ.
2026 гъэм мэлыжьыхьым и 22-м щыщӏэдзауэ и 26-рэ пщӏондэ къэзакъхэр Саблин, Александровскэ, Алыдж, Марьинэ Псыкъуий къуажэхэм кӏуэцӏрыкӏащ, жэщгъуэлъу къэувыӏэпӏэхэр ящӏу. Жылагъуэ къэс абыхэм гуапэу къащыӏущӏащ щӏыпӏэм щыпсэухэр.
Александровскэ къуажэм ӏуэхугъуэ гъэщӏэгъуэн ящыхъуащ Псыжь къэзакъыдзэм Щӏыхь къэрэгъулу и къэзакъхэм я къэпсэлъэныгъэр, Дон шыкӏэ джигитовкэ ӏэзагъыр къыщызыгъэлъэгъуахэр. Махуэшхуэ зэхыхьэр ягъэдэхащ къэзакъ уэрэдхэмрэ къафэхэмрэ.
Пятигорскрэ Черкесскрэ я архиепископ, Щихънагъ нэхъыщхьэ Феофилакт и нэфӏ къыщыхуауэ зэпрыкӏыпӏэм хэтащ Пятигорск къалэм и Щихъищым я члисэм и штат клирик иерей Капарулин Константин, абы хэтхэм зи нэӏэ тезыгъэтар. Махуэ къэс псоми я зэхуэдэ тхьэлъэӏумрэ нэфӏщыхуэныгъэмкIэ щӏадзэрт.
Алыдж къуажэм къызэрысу Тхьэм папщӏэ бэлыхь куэд зрагъэшэча Текӏуэныгъэ къэзыхьа Георгий и цӏэр зезыхьэ члисэм и бжыхьым щыӏэ шухэм яӏущӏащ унафэщӏ иерей Пронь Алексей. Тхьэлъэӏу ящӏащ, абы и ужькӏэ, пасэрей хабзэм тету, шыхэм псы лъапӏэм щыщ тракӏащ.
Шы къэзакъ зэпрыкӏыпӏэр Марьинэ Псыкъуий къуажэм щиухащ. Администрацэм и лӏыкӏуэхэм къэзакъхэм фӏыщӏэ хуащӏащ Хэку зауэшхуэм щытекӏуа адэжьхэм зэрахьа лӏыгъэм и фэеплъыр зэрахъумам, дзэ лӏыгъэм пщӏэ зэрыхуащӏым и щапхъэм, лъэпкъхэм я зэныбжьэгъугъэр зэрагъэбыдам папщӏэ.