2026 гъэм мэлыжьыхьым и 18-м, Урысейм и зауэлI щIыхьым и махуэм, 1242 гъэм Чудскэ гуэлым щекIуэкIа Ледовэ зэхэуэр ягу къагъэкIыж. Абы ирихьэлIэу джыназ Невский Александр и скульптурэ теплъэ ЕссэнтIыгу къалэм и школ №5-м и скверым деж щыIэм зэхыхьэ щекIуэкIащ. Кадетхэмрэ школым и еджакIуэхэмрэ яхутепсэлъыхьащ дзэзешэ цIэрыIуэм, къэрал лэжьакIуэм и лIыгъэм, чристэн фIэщхъуныгъэм и хъумакIуэм.
Зэхуэсахэм захуигъэзащ щоджэн нэхъыжь Фещенкэ Стефан. Щоджэным Пятигорск, Черкесск щIыналъэхэм я архиепископ Феофилакт и псалъэхэр ялъигъэIэсащ икIи щIалэгъуалэм яжриIащ щихъым хуэфэщэну. ЗэIущIэм хэтахэм Невский Александр и скульптурэ теплъэм деж удз гъэгъахэр ягъэтIылъащ.