2026 гъэм мэлыжьыхьым и 19-м, IутIыжым и етIуанэ тхьэмахуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Пятигорск къалэм и Михайловскэ соборым. Щоджэн нэхъыщхьэм къулыкъур драгъэкIуэкIащ Пятигорск епархием и щоджэнхэм, Административнэ секретариатым и унафэщI щоджэн Яковенкэ Илия я пашэу. Пастыр нэхъыщхьэм и гъусэу Тхьэ елъэIуащ къалэм щыпсэухэмрэ зыгъэпсэхупIэм и хьэщIэхэмрэ.
ТхьэлъэIу нэужьым архиепископ Феофилакт Архиерей щIыхь тхылъхэр иритащ Михайловскэ соборым и лэжьакIуэхэмрэ екIуэлIапIэм кIуэхэмрэ. КIэлъыкIуэу, IутIыж зэгъусэ тхьэлъэIур иригъэкIуэкIащ. Зэгъусэ тхьэлъэIум къыхыхьащ къалэм и Iэтащхьэ Ворошилов Дмитрий, къэзакъхэр, пятигорскдэсхэр, зыгъэпсэхупIэм и хьэщIэхэр.
ЗекIуэр IутIыж тхьэлъэIукIэ Спасскэ кафедральнэ соборым и дэкIуеипIэхэм щызэхуащIыжащ. Урысей гвардием и духовой оркестрым махуэшхуэ концерт иригъэкIуэкIащ.
А махуэм архиепископ Феофилактрэ Ворошилов Дмитрийрэ зэгъусэу ягу къагъэкIыжащ совет цIыхубэм я геноцидым хэкIуэдахэр. Хэкум и тхыдэм щыщ а махуэр япэу ягъэлъапIэ.
***
Хабзэ хъуауэ IутIыж зекIуэр Царскэ уэрамым (иджы Кировэ проспектым) щрагъэкIуэкIыр Пятигорск XIX лIэIщыгъуэм икухэм – ХХ лIэщIыгъуэм и пэщIэдзэхэм щрагъэжьащ икIи Пятигорск епархиер къэщIэрэщIэжа нэужь яублэжащ.