2026 гъэм мэлыжьыхьым и 14-м Ставрополь крайм и щIыналъэ 32-м къыщызэIуахащ «Собор святых Ставропольской митрополии» выставкэр. Iуэхур ягъэхьэзыращ Ставрополь крайм дэфтэрхэмкIэ и комитетымрэ Ставрополь митрополиемрэ.
Кисловодск гъэлъэгъуэныгъэр къыщызэIуахащ Никольскэ соборым и музейм. Абы щызэхуэхьэсат тхыдэ сурэтхэр, архив тхылъхэр, щихъхэм къулыкъу щащIахэм, я псэукIэм ухэзыгъэгъуазэ тхыгъэхэр.
«Святыни земли родной» члисэ-тхыдэ музейм выставкэр къыщызэIуихащ Чристэн Свято-Никольскэ классическэ гимназие Синявская Татьянэ зэригъакIуэм. «Христос Воскресе!» уэрэдыр ягъэзэщIащ, Урысейм теухуахэр щIыгъуу.
Зэхуэсахэм захуигъэзащ Кисловодск къалэ-зыгъэпсэхупIэм и Iэтащхьэм и япэ къуэдзэ Середкинэ Татьянэ, къалэ Думэм и Iэтащхьэм и къуэдзэ Гордеев Иван, Пятигорск епархием Кисловодск щиIэ округым и благочиннэ щоджэн нэхъыжь Знаменский Иоанн. Иоанн Пятигорск, Черкесск щIыналъэхэм я архиепископ Феофилакт и псалъэхэр ялъигъэIэсащ икIи жиIащ щихъхэм я гъащIэмрэ гуащIэмрэ зэрызыхагъэгъуазэм я фIэщхъуныгъэр игъэбыдэну зэрыщыгугъыр.
Къалэ администрацэм и архив къудамэм и унафэщI Малий Наталье Ставрополь щыпсэуа, Христос папщIэ я псэм бэлыхь телъу яукIа щихъхэм ятеухуа гъэлъэгъуэныгъэ утыку кърихьащ. КIэлъыкIуэу, ахэр выставкэм еплъащ.
***
Ставрополь митрополием и Соборым и щихъхэм я бжыгъэр 14 мэхъу. Абы щыщу 12-р Тхьэм папщIэ бэлыхь зрагъэшэчахэщ. Синод ЛъапIэм 2025 гъэм бадзэуэгъуэм и 24-м ар къищтащ. Махуэшхуэр япэу накъыгъэм и 13-м ягъэлъэпIэнущ.