Мэлыжьыхьым и 15-м и пщыхьэщхьэм «Россия – моя история» музей-выставкэ комплексым и залышхуэм щызэхуэсащ Пятигорск епархием и щоджэнхэм я унагъуэхэр ящIыгъуу, члисэм и лэжьакIуэхэр, екIуэлIапIэм кIуэхэр.
Пятигорск, Черкесск щIыналъэхэм я архиепископ Феофилакт IутIыж саугъэту итащ Ананьев Александр теухуа стереоспектаклыр, Митрофановэ Аллэ и «12 пасхальных историй» лэжьыгъэр. «Вера» радиом и нэтынхэр езыгъэкIуэкIхэр, «Фома» журналым и лэжьакIуэхэр тепсэлъыхьащ къамыгупсыса хъыбар 12-м, «Фома» къыдэкIыгъуэм къагъэхьахэу.
Стерео – къикIыр «цIыхуитI»: цIыхухъурэ цIыхубзрэ, псалъэрэ макъамэрэ, телъыджэм, гъащIэм теухуа гуфIэгъуэм ухэзышэ жиIэу аращ. Сыхьэтым къриубыдэу илъэс псо – мазэ пщыкIутI къагъэлъагъуэ, тхыдэр, макъамэр щIэлъу. Дэтхэнэ зы хъыбарми Тхьэр хэтщ. Зэманым тету, спектаклхэм зэпымыууэ захъуэж… Мы зэм IутIыжым щыщIэдзауэ къыкIэлъыкIуэ IутIыжым нэс ахэр кIэлъыплъащ.
Ананьев Александр и къеджэныгъэхэм щIыгъут УФ-м щIыхь зиIэ и артисткэ, лъэпкъ филармонием и оркестр Спиваков Владимир зэригъакIуэм и уэрэджыIакIуэ Степченкэ Светланэ, международнэ, урысейпсо зэпеуэхэм я лауреат, егъэджакIуэ, пианисткэ Паклинэ Аннэ.
Илъэс псор зы сыхьэткIэ къагъэлъэгъуа нэужь, хьэщIэхэмрэ артистхэмрэ гуапэу яIущIащ архиепископ Феофилакт, IутIыжыр – насып щызэхэпщIэ зэману зэрыщытыр къыхигъэщу. «Фома-центр» фондым и унафэщI Соколов Алексей фIыщIэ хуищIащ Пастыр нэхъыщхьэм, зэрырагъэблэгъам папщIэ, «Фома» журналыр зытеухуам и жэуапыр спектаклым къызэрыхэщыр жиIэу. Ананьев Александр Щихънагъым и псалъэхэр афишэмрэ спектаклхэмрэ къыщигъэсэбэпыну жиIащ.
Артистхэм я Iэхэр хущIадзащ закъыхуэзыгъазэхэм икIи зэхуэсахэм я гъусэу сурэт зытрагъэхащ.