Сыт IутIыжыр зищIысыр?
Христос лIахэм къахэтэджыкIыжащ, игъащIэкIэ мылIэжыныпсэ хъури.
«Христос лIахэм къахэтэджыкIыжащ, мылIэжыныпсэ хъущ, дунейм ехыжахэм гъащIэкIэ яхуэупсэри».
IутIыж тропарь
IутIыжыр – чристэн диным и махуэшхуэ нэхъыщхьэщ, лIэныгъэм гъащIэр зэрытекIуам и махуэщ. Христос къэтэджыжащ, игъащIэкIэ мылIэжыныгъэ гъуэгур къызэIуихри! Ар пасэрей хъыбар къудейкъым, къэхъугъэщ. Дэтхэнэ зы цIыхуми и гъащIэм зезыгъэхъуэж къэхъугъэщ.
«Сэ мылIэжыныгъэмрэ гъащIэмрэ сращапхъэщ; зи фIэщ сыхъур, зэгуэр лIэми, къэхъужынущ».
IутIыжыр – гуфIэгъуэм, гугъэм, къэщIэрэщIэжыныгъэм я махуэшхуэщ.
«ипэжыпIэкIэ нывжызоIэ: си псалъэмрэ сыкъэзыгъэкIуамрэ едаIуэм мылIэжын гъащIэ иIэщ, лIэныгъэм къыхэкIыу гъащIэ иIэнущ».
Ин. 5:24
IутIыж хабзэхэр:
Зэгъусэ тхьэлъэIу
ФIэхъус «Христос лIахэм къахэтэджыкIыжащ!» - «ИпэжыпIэкIэ къахэтэджыкIыжащ!»
Куличхэмрэ джэдыкIэхэмрэ гъэнэхуныр
Унагъуэр зэдэшхэныр
Сыт IутIыжым нобэ мыхьэнэ щIиIэр?
Гузэвэгъуэ щыкуэд дунейм IутIыжым ягу къегъэкIыж: лIэныгъэм иужьрей псалъэ иIэкъым. Христос лIахэм къахэтэджыкIыжащ – аращи, гугъэрэ гуфIэгъуэрэ щыIэщ!
«ЛIэныгъэ! Дэнэ щыIэ уи кIэухыр? жыхьэрмэ! дэнэ щыIэ уи текIуэныгъэр?»
I Кор. I5:55
«гуэныхьыр зэрупшыныжынур – лIэныгъэщ, Тхьэр къызэрыпхуэупса – гъащIэр игъащIэкIэ Иисус Христос къуита гъащIэрщ, ди Тхьэм».
Рим. 6:23
IутIыжым дэтхэнэ зыми пыщIэныгъэ хуиIэщ:
- Iейм фIыр зэрытекIуэр дигу къегъэкIыж.
- АдэкIэ узэрыкIуэтэну къару къыпхелъхьэ.
- Гъэгъуныгъэм, фIылъагъуныгъэм ухурегъаджэ.
«Абы щIыгъуу дылIамэ, Абы щIыгъуу дыкъэтэджыжынущ»
2 Тим. 2:II
IутIыжыр – махуэшхуэ къудейкъым. Ар псэ зыIут Христос уIущIэну, и къарур зыхэпщIэну уезыгъэблагъэщ.
IутIыжыр зэхэщIыкI уиIэу дауэ зэрыбгъэкIуэнур?
IутIыжыр – махуэ къудейкъым, IутIыж лъэхъэнэщ. Нэхъыщхьэр – Христос теухуахэм зыхэбгъэгъуэзэныркъым, атIэ Езым уIущIэнырщ!
- Члисэм укIуэу – IутIыжыр Члисэм дэбгъэкIуэнырщ;
- ТхьэлъэIум ухэтынырщ – ЛIахэм къазэрыхэтэджыкIыжам теухуа гуфIэгъуэр зэхэпхынырщ;
- Iыхьлыхэм уехъуэхъунырщ – IутIыж гуфIэгъуэр зэбгрыбгъэкIынырщ.
«ИпэжыпIэкIэ, ипэжыпIэкIэ нывжызоIэ: пIалъэр къоблагъэ, къэблэгъакIэщ, Тхьэм и Къуэм и макъыр лIахэм щызэхахынур, зэхаха нэужь къыщытэджыжынур».
Ин. 5:25
Христос лIахэм къазэрыхэтэджыкIыжар – дэтхэнэми гъащIэщIэ щIидзэнымкIэ Iэмалщ! «Ди Тхьэ, ЛIахэм къазэрыхэтэджыкIыжам и гуфIэгъуэр зыхэзгъащIэ!»
IутIыжыр дауэ мыхьэнэ иIэу зэрыбгъэкIуэнур?
- Гуэныхьхэр пIуэтэжу икIи щэхухэм зыщыбгъэгъуазэу – уи гур бгъэкъабзэу, лIахэм къахэтэджыкIыжа Христос Члисэм и ЩэхухэмкIэ гъунэгъу зыхуэпщIу;
- Гуапагъэ пщIэуэ – зи закъуэу псэухэм, сымаджэхэм, хуэныкъуэхэм уадэIэпыкъуу;
- Тхьэм уелъэIуу – IутIыж гуфIэгъуэр зылъысыр Тхьэм лъыхъуэрщ;
- Члисэ гъащIэм ухэту – Iутыж лъэхъэнэр махуэ 40 мэхъу: тхьэлъэIухэм фыкIуэ, Щэхухэм зыхэвгъэгъуазэ, лIахэм къазэрыхэтэджыкIыжам и хъыбар гуфIэгъуэмкIэ фыздэгуашэ!
IутIыжыр – хабзэ къудейкъым, псэр къыщыщIэрэщIэжщ. А махуэр Тхьэм пыщIэныгъэ зыхуиIэ гъащIэщIэм и щIэдзапIэ ирырехъу! ЛIахэм къахэтэджыкIыжа Христос гъунэгъу хуэхъуам и дежкIэ лIэныгъэр – кIэухкъым, атIэ мылIэжыныгъэщ.
«Псалъэ пэжщ: А,ы щIыгъуу дылIамэ, Абы щIыгъуу дыкъэтэджыжынущ».
2 Тим. 2:II
IутIыжыр - лъагъуныгъэмрэ псапэмрэ я зэманщ!
ЛIахэм къазэрыхэтэджыкIыжам и гуфIэгъуэр IуэхукIэ щIэвгъэбыдэфынущ:
Хуэныкъуэхэм фадэIэпыкъуу:
Ерыскъыпхъэхэр, фэилъхьэгъуэхэр, зыхуеину хьэпшыпхэр псапэ IуэхущIапIэхэм яIэрывгъэхьэфынущ
«Шхыныгъуэ къызэфтам… ипэжыпIэкIэ нывжызоIэ: Си бын нэхъыщIэхэм ящыщ гуэрым ар хуэфщIамэ, Сэри къысхуэфщIащ»
Мф. 25:35-40
Зи закъуэу псэухэмрэ сымаджэхэмрэ я деж фыкIуэ:
Гулъытэ яхуэфщI, IутIыж шхыныгъуэхэр яхуэфшэ е гуапэу фепсалъэ
«ФIэщхъуныгъэр IуэхукIэ щIэмыгъэбыдэжамэ, абы гъащIэ иIэкъым»
Иак. 2:I7
Псэкупсэ дэIэпыкъуныгъэ:
ЩытыкIэ гугъу ихуахэм Тхьэ фахуелъэIу, IутIыж гуфIэгъуэкIэ фыздэгуашэ
«Зым и гугъуехьыр адрейм дэвгъэпсынщIэ, апхуэдэ щIыкIэкIэ Христос и унафэр вгъэзащIэ»
Гал. 662
Христос лIахэм къахэтэджыкIыжащ!