2026 гъэм гъатхэпэм и 31-м «Межконфессиональный диалог» клубым и лэжьыгъэм хыхьэу екIуэкIащ «Смысл и значение Великого поста в православном христианстве» зэIущIэр.
Зэхыхьэм и лэжьыгъэм хэтащ управленэм и школ нэхъыщхьэм и студентхэр, «Межконфессиональный диалог» клубым щыщхэр, Пятигорск къэрал университетым и «Теология», «Психология служебной деятельности», «Делопроизводство» IэщIагъэхэм хуеджэ студентхэр.
Пятигорск епархием и Миссионер къудамэм и унафэщI щоджэн Гриценкэ Виталий зыубгъуауэ къытеувыIащ чристэн диным нэщI Иным и хабзэмрэ тхыдэмрэ, и мыхьэнэм, нэщIым псэр зэригъэкъабзэм, гуэныхьхэр зэраIуэтэжым, цIыхум и псэр зэрыригъэфIакIуэм. Докладым хыхьэу ар къытеувыIащ ХъыбарыфIхэр зэрыт тхылъ лъапIэм къыщыхьа тхыгъэхэм, Члисэм и щихъхэм я щIэинхэм.
ЗэIущIэ нэужьым абы хэтахэр тепсэлъыхьащ нэщI хабзэм и псэкупсэ, щэнхабзэ Iуэхухэм, иджырей жылагъуэм и унэтIыныгъэхэр убзыхунымкIэ абы и мыхьэнэр.