2026 гъэм гъатхэпэм и 11-м ЕссэнтIыгу къалэм и Петропавловскэ члисэм щекIуэкIащ «Христианская миссия на Северном Кавказе в XXI веке» егъэджэныгъэ конференцэр. Ар теухуауэ щытащ Урыс Чристэн Члисэм щIыналъэм псапэ щыщIэным теухуа и лэжьыгъэхэм. ЗэIущIэм хэтащ епархием и щоджэн 50-м щIигъу.
Конференцэм и лэжьыгъэр иригъэкIуэкIащ Пятигорск, Черкесск щIыналъэхэм я архиепископ Феофилакт. Епархием псапэ лэжьынымкIэ жэуап зыхь щоджэн Гриценкэ Виталий къэпсэлъэнухэм псалъэ яритащ.
Конференцэм и программэм докладищ хыхьащ, псапэ Iуэхухэм теухуауэ.
«Стратегические направления миссии в XXI веке» докладыр ищIащ Синод псапэ къудамэм и унафэщIым и къуэдзэ щоджэн Косых Антоний. Члисэ узэщIыныгъэм и зыужьыныгъэхэм тепсэлъыхьащ ар, студентхэм я псапэ Iуэхум тригъащIэу.
КъыкIэлъыкIуэу псалъэ иратащ СМО-м и къудамэм и унафэщIым и къуэдзэ щоджэн Фуфаев Сергей. Абы и къэпсэлъэныгъэр триухуащ «Актуальные вопросы апологетической миссии» темэм. Иджырей Iуэху зэIумыбзхэм хыхьэу чристэн фIэщхъуныгъэр зэрыпхъумэжынум къытеувыIащ, дин зэмылIуэжьыгъуэхэм итхэм епсэлъылIэн, я Iуэху еплъыкIэхэмкIэ зэхъуэжэн зэрыхуейри къыхигъэщащ.
Апхуэдэу доклад ищIащ СМО-м и секретариатым и IэщIагъэлI Степанов А. Н. Абы и къэпсэлъэныгъэр триухуащ «Методы прозелитизма в исламе и православный ответ (практический аспект)» темэм. Муслъымэнхэм дин щIэныгъэр зэрызэбграгъэхым тепсэлъыхьащ, дин зэмылIэужьыгъуэхэм итхэр щыпсэу, лъэпкъ куэд зэрыс щIыналъэхэм чристэн псапащIэхэм чэнджэщхэр яритащ.
Конференцэр щиухым абы хэтахэм захуигъэзащ Пятигорск, Черкесск щIыналъэхэм я архиепископ Феофилакт. Абы къыхигъэщащ псапэ лэжьыным мыхьэнэшхуэ зэриIэр, чристэн фIэщхъуныгъэм къытеувыIащ. Пастыр нэхъыщхьэм Синод псапэ къудамэм фIыщIэ хуищIащ псапэ Iуэхухэр зэрищIэм, ахэр епархием и члисэ махуэшхуэхэм зэрыщызэбграгъэкIым папщIэ.
КъызэгъэпэщакIуэхэм зэрыжаIамкIэ, зэхыхьэм хэтахэм Iэмал яIащ я Iуэху еплъыкIэхэмкIэ зэхъуэжэну, адэкIи щIыналъэм псапэ Iуэхум зэрызыщрагъэужьынур къагъэлъэгъуэну.