2026 гъэм гъатхэпэм и 10-м Пятигорск епархием и унэм Пятигорск, Черкесск щIыналъэхэм я архиепископ Феофилакт и унафэм щIэту щекIуэкIащ Епархием и советыщIэм 2026 гъэм и япэ зэхыхьэр. Хабзэ зэрыхъуауэ абы ирагъэблэгъащ епархием и члисэ округхэм я благочиннэхэр. Зэхыхьэр траухуащ илъэсыщIэр къызэрихьэрэ епархием и гъащIэм къыщыхъуа Iуэхугъуэхэм.
ЗэIущIэм хэтахэр къытеувыIащ епархием и Хъуромэ махуэшхуэхэм. Пятигорск, Черкесск, Налшык, Никольскэ, Сергиевскэ гимназиехэм, «София», «Отрада» екIуэлIапIэхэм, тхьэмахуэ школхэм щекIуэкIа махуэшхуэ зэхыхьэхэм IэфIыкIэу 4000 щагуэшащ, архиепископ Феофилакт и хъуэхъур щIыгъуу.
Пятигорск и «Рождественское тепло» псапэ Iуэхур щIэщыгъуэу ирагъэкIуэкIащ. 2011 гъэм щыщIэдзауэ ирагъэкIуэкI Iуэхур хуэунэтIащ епархием егъэщIылIа социальнэ IуэхущIапIэхэм щыIэхэм щыгъын хуабэхэр яхузэхуэхьэсыныр. Пятигорск и члисэхэм я щоджэнхэр щыIащ а IуэхущIапIэхэм икIи ерыскъыпхъэхэр иратащ, щытыкIэ гугъу ихуахэм ядэIэпыкъун папщIэ. Советым хэтхэр абы арэзы техъуащ, Пятигорск и щоджэнхэмрэ волонтерхэмрэ фIыщIэ хуащIащ.
Архиепископ Феофилакт зи пашэ лIыкIуэ гупыр Пятигорск епархием и цIэкIэ хэтащ «Просвещение и нравственность: формирование личности и вызовы времени» XXXIV Международнэ Хъуромэ щIэныгъэ къеджэныгъэхэм. Абы и лIыкIуэ хъуащ республикэм и унафэщIхэм щыщхэр, епархием и къудамэхэм я унафэщIхэр, щоджэнхэр, епархием и лэжьакIуэхэр, егъэджакIуэхэр. Епархием и лIыкIуэхэр зэхыхьэм и унэтIыныгъэхэм хыхьэу лэжьащ. Пастыр нэхъыщхьэр щIышылэм и 28-м къыщыпсэлъащ монаххэм я пленарнэ зэIущIэм, «Христос — центр монашеского подвига» докладми къыщеджащ. Епархием и советым и зэхыхьэм къыщалъытащ международнэ зэхуэсым и лIыкIуэхэм я лэжьыгъэр.
ЗэIущIэр щиухым чристэн щIалэгъуалэм я махуэшхуэм кърикIуахэр зэхалъхьэжащ. Махуэшхуэм и пэ къихуэу 2026 гъэм мазаем и I3-м щIалэгъуалэ инклюзивнэ сретенскэ балыр ЕссэнтIыгу къалэм ЩэнхабзэмкIэ и унэм щекIуэкIащ.
Зэхыхьэм хэтхэмрэ ар къызэзыгъэпэщахэмрэ фIэхъус ярихащ Пятигорск, черкесск щIыналъэхэм я архиепископ Феофилакт. 2026 гъэм мазаем и I5-м, Сретения махуэшхуэмрэ чристэн щIалэгъуалэм я махуэмрэ, Пятигорск епархием и члисэ псоми Москварэ урысей псомрэ я Патриарх Кирилл зэразыхуигъазэ тхыгъэм къыщеджащ. Зеленчукскэ станицэм и къэзакъхэм а махуэм Петропавловскэ члисэм тхьэрыIуэ щащIащ. Махуэшхуэ тхьэлъэIур иригъэкIуэкIащ Пятигорск, Черкесск щIыналъэхэм я архиепископ Феофилакт. Жорымрэ Инджылымрэ я пащхьэм тхьэрыIуэ щащIа нэужь, къэзакъхэм хъуэхъукIэ захуигъэзащ атаманым икIи Пастыр нэхъыщхьэр ехъуэхъуащ. А махуэм Пятигорск къалэм и Спасскэ кафедральнэ соборым Сретенскэ зэIущIэ щызэхэтащ, Черкесск и Никольскэ соборым щыджэгуащ, Сретения махуэшхуэм теухуауэ. Епархием и советым хэтхэм фIыщIэ хуащIащ къызэгъэпэщакIуэхэмрэ чристэн щIалэгъуалэм я махуэшхуэм хэтхэмрэ, Пятигорск епархием и къалэ псоми щIалэгъуалэм нэхъ жыджэру щадэлэжьэн зэрыхуейр къыхигъэщу.