Минеральные Воды къалэм хабзэ зэрыхъуауэ щызэхуэсащ генерал Ермолов и цIэр зезыхьэ къэзакъ-ветеранхэр, дзэ Iуэху хэхам хэтахэр.
Зэхыхьэм хэтахэм фIэхъус ярихащ Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан. Щоджэным пастыр арэзыныгъэ псалъэхэмрэ фIэхъусрэ ялъигъэIэсыжащ Пятигорск, Черкесск щIыналъэхэм я архиепископ къыбгъэдэкI Феофилакт.
Генерал Ермолов Алексей и цIэр зезыхьэ 694-нэ къэзакъ мотострелковэ батальоныр къызэрызэрагъэпэщрэ илъэс 30 щрикъум ирихьэлIэу урысейпсо къэзакъ зэгухьэныгъэм и атаман, къэзакъ генерал Кузнецов Виталий къыбгъэдэкIыу къэзакъ-ветеранхэм фIэхъус ирихащ.
УФ-м и Кавказ Ищхъэрэ щIыналъэм и Iэгъуэблагъуэм щекIуэкIа контртеррор операцэм хыхьэу зэрахьа лIыгъэмрэ хахуагъэмрэ папщIэ, батальоныр къызэрыунэхурэ илъэс 30 щрикъум ирихьэлIэу урысейпсо къэзакъ зэгухьэныгъэм и атаманым и унафэкIэ иратащ «За заслуги перед казачеством России» жорым и I нагъыщэр.
Апхуэдэу зауэлIхэм ехъуэхъуащ Ставрополь округым и къэзакъ зэгухьэныгъэм и атаман, Тэрч къэзакъ зэгухьэныгъэм и атаманым и къалэнхэр зыгъэзащIэ, къэзакъ полковник Куликов Александр.
Зэхыхьэм хэтащ Минераловодскэ члисэ округым и благочиннэ щоджэн нэхъыжь Копач Иоаннрэ члисэм и унафэщI щоджэн нэхъыжь Андреев Борисрэ.
Зэхуэсахэр Тхьэ елъэIуащ хэкIуэда зауэлIхэм папщIэ. Фэеплъым удз гъэгъахэр тралъхьащ.