Кисловодск къалэм и Чристэн Свято-Никольскэ классическэ гимназием щекIуэкIащ класс нэхъыжьхэм щеджэхэмрэ Афган зауэм и ветеран, Совет Армэм и капитан, Кисловодск къалэм и ветеранхэм я Советым и Президиумым хэт Лобжанидзе Борисрэ я зэIущIэ.
Борис сабийхэм яхутепсэлъыхьащ зауэр зэрекIуэкIам, Афганистаным къулыкъу зэрыщащIам. Ахэр еплъащ зауэм и лIыхъужьхэм ятеухуа фильм, Афганистаныр мамыр хъуным Совет армэм хуищIа хэлъхьэныгъэхэм.
Гимназием и гъэсэнхэм захуигъэзащ щIыналъэм ис куржыхэм я «Иверия» лъэпкъ щэнхабзэ автономием и УнафэщI, Ставрополь крайм и губернаторым и деж лъэпкъ IуэхухэмкIэ щылажьэ советым хэт Лобжанидзе Пётр.
Пётр гимназием и гъэсэнхэм ягу къигъэкIыжащ 2026 гъэр УФ-м и Президентым Урысейм ис лъэпкъхэм я зэкъуэтыныгъэм и илъэсу зэригъэувар икIи ныбжьыщIэхэр къыхуриджащ пщIэ я зэхуаку дэлъыну, зыщыщ диным, лъэпкъым емылъытауэ.
ХьэщIэм гимназием и гъэсэнхэм тыгъэ яхуищIащ пульткIэ зебгъакIуэ хъу штатив-моноподыр, гимназием щекIуэкI Iуэхугъуэхэр трахын папщIэ икIи иригъэблэгъащ Кисловодск апостол пэлъытэ, Иверием и узэщIакIуэ Нинэ и цIэкIэ щаухуэ члисэм еплъыну.