2026 гъэм мазаем и 16-м ТАСС Кавказ щIыналъэ хъыбарегъащIэ центрым щекIуэкIащ Пятигорск, Черкесск щIыналъэхэм я архиепископ Феофилактрэ Мэхъэчкъалэрэ Дербентрэ я архиепископ Варлаамрэ я пресс-конференцэ. Журналистхэм я зэIущIэр траухуащ Кавказ Ищхъэрэм ис урысхэм я чристэн дин хабзэхэм, нэщIым зэрызыхуагъэхьэзырым, абы и мардэхэм.
Архиепископ Феофилакт ягу къигъэкIыжащ: «ФщIэрэ, ди гъунэгъухэми нэщIыр яIыгъщ. Махуэ бжыгъэ дэкIмэ, Рэмэданым щIидзэнущ. А хабзэр зыми ягъэщIагъуэркъым, ар зы щIыпIэ кърахауэ е ящыгъупщауэ щыткъыми. Абы куэд щыгъуазэщ, Тхьэм и нэфI зыщыхуа Кавказым щыпсэу лъэпкъ куэдми хуэдэу».
Пресс-конференцэм хъыбарегъащIэ IэнатIэхэм я лэжьакIуэхэр хэтащ, ТАСС-м и сайтми Интернет напэкIуэцIхэмкIи ар эфир занщIэкIэ къатащ. Щоджэн нэхъыщхьэр къытеувыIащ епархием 2026 гъэм зэфIигъэкIыну къыпэщылъхэм.
Гъатхэпэм Пятигорск еапрхием игъэлъэпIэнущ ар къызэрагъэщIэрэщIэжрэ илъэс 15 зэрырикъур, махуэшхуэхэр къызэрагъэпэщынущ абы ирихьэлIэу. Члисэр зэфIагъэувэжыну я мурадщ, Кавказ Ищхъэрэм и япэ гъущI гъуэгу ухуакIуэхэм ящыщ Иноземцев Иван щыщIалъхьэжар.
«Иджыблагъэ Железноводск къалэм и Иноземцевэ къуажэм щыIэ члисэр къэтщтэжащ. Абы щыщIалъхьэжауэ щытащ Иноземцевэ щыщ, Кавказ Ищхъэрэм и япэ гъущI гъуэгу ухуакIуэр щыщIалъхьэжа щIыпIэ. Ар зэдгъэпэщыжынущ», - жиIащ Пастыр нэхъыщхьэм.
Мэхъэчкъалэ епархием щрагъэжьэнущ Невский Александр и цIэкIэ щыIэ дзэ соборыр. Мы гъэм е 13-нэ ирагъэкIуэкIынущ дунейпсо дин щIалэгъуалэ зэхуэсыр.
Щоджэн нэхъыщхьэр журналистхэм щаIущIам тепсэлъыхьащ щIалэгъуалэм драгъэкIуэкI лэжьыгъэхэм, социальнэ Iуэхухэм, дзэ Iуэху хэхам щыIэхэм хуащIэ дэIэпыкъуныгъэхэм. Пятигорск епархием мы гъэм щрагъэкIуэкIынущ волонтёрхэм я съезд, зауэлIхэмрэ абыхэм я унагъуэхэмрэ я дэIэпыкъуэгъуу.
«Шхыныгъуэхэр, щыгъынхэр зыгъэхьэзырхэр, хъархэр зэIузыщэхэр куэд мэхъу, епархием и екIуэлIапIэхэм къекIуалIэхэу. Мы гъэм ахэр зэхуэтшэсу зым и нэм адрейр дыщIэплъэну, фIыщIэ яхуэтщIыну дыхуейщ, я зэманымрэ къарумрэ зэрагъэкIуэдым папщIэ.
Пресс-конференцэр сыхьэтрэ ныкъуэкIэ екIуэкIащ, ар иуха нэужьи журналистхэм щихънагъыр зыкъомрэ яутIыпщыжакъым, къэхъугъэхэм теухуа упщIэхэр ирату.
Пресс-конференцэм и эфирыр ТАСС-м и сайтым къыщывгъуэтынущ.