2026 гъэм мазаем и 15-м, Тхьэм и Cретения махуэшхуэм Пятигорск, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ Зеленчукскэ станицэм и Петропавловскэ члисэм.
Щоджэн нэхъыщхьэм къулыкъур драгъэкIуэкIащ члисэм и щоджэнхэм Ипщэ Къэрэшей-Шэрджэс округым и благочиннэ, унафэщI, къардэн нэхъыжь Кубэ Димитрий.
Литургием хыхьэу Пастырь нэхъыщхьэм иригъэкIуэкIащ Москва и духовнэ семинариер къэзыуха къардэн Субтельный Иоанн пресвитор, Ставрополь духовнэ семинариер къэзыуха Чайковский Георгий къардэн къулыкъухэм я хиротониехэр.
КъыкIэлъыкIуэу Щихънагъым шэху уэздыгъэхэр игъэнэхуащ икIи фIэщхъуныгъэ зиIэхэм узэщIыныгъэкIэ захуигъэзащ.
ТхьэлъэIу нэужьым архиепископ Феофилакт екIуэлIапIэм кIуэхэм яригъэцIыхуащ унафэщI, благочиннэр. Щоджэн нэхъыжь Субтельный Евгений унагъуэ IуэхукIэ щхьэщахащ Пятигорск епархием Ипщэ Къэрэшей-Шэрджэс округым щиIэ благочиннэ, Зеленчукскэ станицэм и Петропавловскэ члисэм и унафэщI къулыкъухэр. УнафэщI, благочиннэ къулыкъур хуагъэфэщащ щоджэн Якушев Александр.
Александр – Къэрэшей-Шэрджэсым щыщщ, 2014 гъэм щоджэн къулыкъур къыхуагъэфэщащ, светскэ щIэныгъэ иIэщ, Ставрополь и духовнэ семинариер къиухащ. Илъэс зыбжанэ хъуауэ Якушев Александр КъШР-м дин щIэныгъэмрэ катехизацэмкIэ и къудамэм и унафэщIщ.
ЕкIуэлIапIэм кIуэхэм жорыр яIэщIилъхьащ щоджэн Субтельный Евгений.