2026 гъэм мазаем и 7-м, Пятигорск, Черкесск щIыналъэхэм я архиепископ Феофилакт тхьэлъэIу щригъэкIуэкIащ Пятигорск къалэм и Спасскэ кафедральнэ соборым, члисэм и щоджэнхэм я гъусэу. Щоджэн нэхъыщхьэм и гъусэу Тхьэ елъэIуащ къалэм щыпсэухэмрэ зыгъэпсэхупIэм и хьэщIэхэмрэ.
2026 гъэм мазаем и 8-м, Урыс члисэм Тхьэм папщIэ бэлыхь куэд зрагъэшэча, гуэныхьхэр зрагъэIуэтэжа и щихъхэм я фэеплъым, Успенскэ Второафонскэ Бештаурскэ цIыхухъу къулъшырыфым тхьэлъэIу литургие щрагъэкIуэкIащ къулъшырыфым и щоджэнархимандрит, Пятигорск, Черкесск щIыналъэхэм я архиепископ Феофилакт, Якутск и архиепископ Ленский Роман.
Пастыр нэхъыщхьэхэм къулыкъур драгъэкIуэкIащ къулъшырыфым и унафэщI игумен Михаил (Гичко), щоджэнхэм я гъусэу, Якутскэ епархием и иеромонах Никандр (Горбатюк), къардэн нэхъыжь Кубэ Димитрий, къардэн Фещенкэ Иоанн.
ТхьэлъэIум хыхьэу Тхьэ елъэIуащ Тхьэм и нэфI зыщыхуа Кавказым щыпсэухэмрэ абы и хьэщIэхэмрэ. Уэрэдхэр игъэзэщIащ «Pente oros» ансамблым.
ХъыбарыфIхэр зэрыт тхылъ лъапIэм къыщыхьахэм къеджа нэужь, архиепископ Феофилакт фIэщхъуныгъэ зиIэхэм узэщIыныгъэкIэ захуигъэзащ.
ТхьэлъэIу нэужьым Щихънагъым тхьэлъэIу щригъэкIуэкIащ къагъэщIэрэщIэжа къулъшырыфым и япэ унафэщI архимандрит Силуан (Хараим) и кхъащхьэм деж.