2026 гъэм мазаем и 6-м, блаженнэ Петербургская Ксение и фэеплъ махуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Кисловодск къалэм и Пантелеимоновскэ члисэм блаженнэ Ксение и приделым.
Щоджэн нэхъыщхьэм къулыкъур драгъэкIуэкIащ Пятигорск епархием Кисловодск щиIэ округым и щоджэнхэм благочиннэ Знаменский Иоаннрэ къардэн нэхъыжь Кубэ Димитрийрэ. Пастыр нэхъыщхьэм и гъусэу Тхьэ елъэIуащ къалэм щыпсэухэр, зыгъэпсэхупIэм и хьэщIэхэр, щIыналъэ лъапIэм Тхьэ елъэIуну кIуахэр.
Литургие нэужьым Щихънагъым блаженнэ Ксение игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ. Архиепископ Феофилакт фIыщIэ хуищIащ члисэм псапэ щызыщIэхэм – Битаевхэ я унагъуэм евхрастие сосудхэмрэ пасэрей тхьэнапэхэмрэ члисэм зэщхьэгъусэхэм тыгъэ зэрыхуащIам папщIэ. Ахэр иратащ унафэщI щоджэн нэхъыжь Акименкэ Сергий.