2026 гъэм мазаем и 1-м Прохладнэ къалэм и Покров члисэм и библиостудием зэIущIэ щызэхэтащ, мазаем и 2-м къэхъуа – Сталинград зауэм хыхьэу нэмыцэ-фашист зэрыпхъуакIуэхэр зэрызэхакъутам. Члисэм и унафэщI щоджэн Калинин Евгений тепсэлъыхьащ Маршал Чуйков Василий и «Сражение века» тхылъым къыщыхьа гупсысэхэм.
Щоджэныр зыубгъуауэ къытеувыIащ зауэм и ЛIыхъужьхэм я лIыгъэм: илъэс 15 ныбжьым ит Федоров Иван, Паникахи Михаил, связист Титаев Василий, снайпер Зайцев Василий, связисткэ Шешени Александрэ, санитаркэ Шмаковэ Тамарэ. Iуэтэжым гулъытэ щыхуащIащ 62-нэ дзэм и унафэщIым, къалэр къэзыхъума, генерал-лейтенант Чуйков Василий.
КъищынэмыщIауэ, Волгоград къалэ-лIыхъужьым Евгений зэрыщыIам теухуа и сурэтхэмкIэ ядэгуэшащ.