2026 гъэм мазаем и 1-м Урыс Чристэн Члисэм тхьэлъэIукIэ егъэлъапIэ Москварэ Урысей псомрэ я Патриарх Кирилл илъэс 17 и пэкIэ и къалэным зэрытрагъэувар. Члисэ, къулъшырыф псоми тхьэлъэIухэр щрагъэкIуэкI Члисэм и Iэтащхьэм папщIэ, 2009 гъэм Москва и Патриаршэ престолыр Зэгъусэ Соборым щыщыхахам.
А махуэм Патриарх Кирилл тхьэлъэIу литургие щригъэкIуэкIащ КъегъэлакIуэ Христос и цIэр зезыхьэ кафедральнэ собор Москва щыIэм.
Литургиер драгъэкIуэкIащ Урыс Чристэн Члисэм и архиерейхэм, Пятигорск, Черкесск щIыналъэхэм я архиепископ Феофилакт. ТхьэлъэIум зыкърагъэхьэлIащ Чристэн Члисэхэм я Поместнэ лIыкIуэхэм, Москва и щоджэнхэм, ставропигиальнэ къулъшырыфхэм я унафэщIхэм.
ТхьэлъэIум хэтащ Коптскэ Члисэм къикIахэм епископ, Коптскэ Члисэм и Синод ЛъапIэм хэт Даниил я пашэу, Патриаршэ комиссэм къулъшырыфхэмрэ монашествэмкIэ и унафэщI, къулъшырыфым и унафэщI щихъ Фивейский Павел.
Члисэм щызэхуэсащ къэралым, щIыналъэхэм я унафэщIхэр, хьэрычэтыщIхэр, жылагъуэ IуэхущIапIэхэм я лIыкIуэхэр, синод IуэхущIапIэхэм я унафэщIхэр, щоджэнхэр, монаххэр, игумениехэмрэ цIыхубз къулъшырыфхэмрэ щыIэхэр, мамыр цIыхухэр.
«Союз», «Спас» телеканалхэм, Урыс чристэн Члисэм и сайтым къыщатащ Патриаршэ благочинием и тхьэлъэIур.
Ектением Урысейм, Патриарх Кирилл, Урыс Члисэм папщIэ Тхьэ щелъэIуащ. Митрополит Ювеналий Тхьэ елъэIуащ Урыс Чристэн Члисэм и Iэтащхьэм папщIэ. Щихънагъыр Урысейм папщIэ Тхьэ елъэIуащ.
АдэкIэ Президентымрэ УФ-м и Правительствэм и УнафэщIымоэ я хъуэхъухэр къатащ. Урыс Чристэн Члисэм и УнафэщIым тхьэлъэIум хэтхэм узэщIыныгъэкIэ захуигъэзащ. Члисэ дамыгъэхэр ятащ.
Архиепископ Феофилакт гуапэу ехъуэхъуащ Москварэ Урысей псомрэ я Патриарх Кирилл и къулыкъум щыпэрыхьа махуэмкIэ, Тхьэм и нэфI зыщыхуа Кавказымрэ Тыркуменистанымрэ папщIэ, узыншагъэ яIэну, гъащIэ кIыхь хъуну. Урыс Члисэм и УнафэщIым щоджэнхэмрэ фIэщхъуныгъэ зиIэхэмрэ ехъуэхъуащ.
Зэхыхьэр щиухым, Патриарх Кирилл тхьэлъэIум хэтхэм захуигъэзащ: «Иджыри зэ, щихъхэ, адэхэ, къуэшхэ, шыпхъухэ, сынывохъуэхъу фи махуэмкIэ, Пастыр нэхъыщхьэхэм я гъусэу Тхьэ селъэIуну Iэмал сызэриIэм папщIэ. Ди зэкъуэтыныгъэр, Тхьэм и деж дыщиIэ жэуаплыныгъэр абы егъэбыдэр, Урыс чристэн члисэм зэфIигъэкI лэжьыгъэхэм папщIэ. ТхьэлъэIум хэта псоми фIыщIэ фхузощI».