Урысейм гъэ къэси щIышылэм и 24-м ягу къыщагъэкIыж политикэ залымыгъэ зраха къэзакъхэр.
А фэеплъ махуэм Зеленчукскэ районым и къэзакъхэм атаман-есаул Миронычев Виктор я гъусэу фэеплъ пэкIум щызэхуэсащ. Абы и пэ къихуэу Пятигорск епархием и Ипщэ Къэрэшей-Шэрджэс округым и благочиннэ щоджэн нэхъыжь Субтельный Евгенийрэ Сторожевой станицэм и Никольскэ члисэм и унафэщI щоджэн нэхъыжь Кравченкэ Андрейрэ тхьэлъэIу ирагъэкIуэкIащ, властым зи зэран екIахэм хуагъэува фэеплъым деж тхьэлъэIу щрагъэкIуэкIащ.
Фэеплъ пэкIум хэтащ: КъШР-м и Зеленчукскэ районым и администрацэм и Iэтащхьэ Брыкинэ Маринэ, Зеленчукскэ къуажэм и администрацэм и Iэтащхьэ Хомяковэ Ольгэ, къэзакъхэр, жылагъуэ зэгухьэныгъэхэм я лIыкIуэхэр, Зеленчукскэ районым и къэзакъ классхэм я еджакIуэхэр.
ПэкIу нэужьым абы хэтахэм фэеплъым удз гъэгъахэр тралъхьащ.
А махуэ дыдэм къалэм и Крестовоздвиженскэ члисэм къэзакъхэр щызэхуос гъэ къэси, лажьэншэу яукIа къэзакъхэм папщIэ Тхьэ елъэIуну. Члисэм и унафэщI щоджэн нэхъыжь Лиманов Гермоген тхьэлъэIур иригъэкIуэкIащ икIи зи тхьэрыIуэм, Хэкум, Христос и фIэщхъуныгъэм емыпцIыжа къэзакъхэм ящыщу зи гъащIэр зытахэм папщIэ къэпсэлъащ.