2026 гъэм щIышылэм и 19-м, Крещения махуэшхуэм, Кисловодск къалэ-зыгъэпсэхупIэм и Никольскэ соборым махуэшхуэ тхьэлъэIухэр щекIуэкIащ. ТхьэлъэIу литургие нэужьым соборым псы гъэнэхун къулыкъур щрагъэкIуэкIащ.
ТхьэлъэIу литургие нэужьым зэгъусэ тхьэлъэIур ирагъэжьащ Никольскэ псынэпсым деж щыщIэдзауэ. Псыр гъэнэхун къулыкъур иригъэкIуэкIащ Пятигорск епархием и Кисловодск округым и благочиннэ щоджэн нэхъыжь Знаменский Иоанн къалэм и члисэхэм я щоджэнхэр я гъусэу. Зэгъусэ тхьэлъэIумрэ псы гъэнэхун къулыкъумрэ хэтащ къэзакъхэр, зыгъэпсэхупIэм щыпсэухэмрэ абы и хьэщIэхэмрэ.
ТхьэлъэIу нэужьым Иоанн зэхуэсахэм махуэшхуэмкIэ ехъуэхъуащ, псы ялъигъэIэсащ, Крещения махуэшхуэм и мыхьэнэм къытеувыIащ.
Пщыхьэщхьэ хъуху цIыхухэр члисэм кIуащ, Тхьэ елъэIун папщIэ, илъэсыщIэм зыхуеину псы кърагъэхъуэн папщIэ.