Махуэшхуэм сымаджэщ члисэм и унафэщI щоджэн Видялин Александр IущIащ Пятигорск къалэм зи нэм щIагъуэу имылъагъухэмрэ нэфхэмрэ я зэгухьэныгъэм хэтхэм. Члисэм и уэрэджыIакIуэхэм колядкэхэр жаIащ, щоджэным члисэ махуэшхуэхэмрэ Члисэ щэхухэмрэ теухуа упщIэхэм жэуап иритащ.
БлэкIа илъэсым члисэм и къарукIэ зи нэм фIыуэ имылъагъухэм папщIэ къызэрагъэпэщащ епархием и члисэхэм Тхьэ елъэIуну зекIуэхэр, дяпэкIэ зэрызэдэлэжьэнум тепсэлъыхьащ. Зэпсэлъэныгъэ нэужьым псори ягъэхьэщIащ, саугъэтхэр иратащ.
Мы махуэм, хабзэ зэрыхъуауэ, члисэм кIуащ Пятигорск социальнэ Iуэхутхьэбзэхэр щIэнымкIэ и зэзыгъэуIу центрым икIа, бынунагъуэшхуэхэм къыхэкIа сабийхэмрэ зи узыншагъэм сэкъат иIэхэмрэ. Хъуромэ махуэшхуэм и тхыдэмрэ хабзэхэмрэ теухуа куэд зэхахащ адэ-анэхэмрэ сабийхэмрэ. Шэджэгъуашхэ нэужьым сабийхэм саугъэтхэр иратащ. Щоджэнымрэ гуапагъэ зыщIэхэмрэ клиникэ сабий сымаджэщым щIэлъхэм ехъуэхъуащ.