Епархием и архитектурно-ухуэныгъэ комиссэр щыIащ Налшык благочинием и члисэхэм. Абы хэтащ ухуэныгъэмкIэ епархием и каъудамэм и унафэщI щоджэн нэхъыжь Бондарчук Андрей, Налшык округым и благочиннэ щоджэн нэхъыжь Бобылев Валентин, епархием и архитектор, хъумакIуэ Чечин Олег, епархием и складым и тет Чечин Сергей, Минераловодскэ благочинием и члисэхэм, комиссэм я гъусащ округым и благочиннэ щоджэн нэхъыжь Копач Иоанн.
Комиссэр щыIащ Бахъсэн къалэм щаухуэ члисэм, зи IуплъапIэр иджыпсту ягъэхьэзырым, щхьэгъубжэхэр халъхьэм, кIуэцIыбжэхэр зыхуей хуагъазэм. Апхуэдэу комиссэр щыIащ апостол пэлъытэ Магдалинэ Марие и цIэр зезыхьэ соборым, щихъ Столпник Симеон и цIэр зезыхьэ члисэм, зэгъэпэщыжыныгъэ лэжьыгъэхэр зыхуэдэм зыщыхагъэгъуэзам.
Минераловодскэ благочинием щыкIуам комиссэм чэнджэщ ятащ Красный Пахарь щаухуэ члисэм и унащхьэм лэжьыгъэхэр щрагъэкIуэкIыну. Минеральные Воды и Покров члисэм и административнэ корпусым щеплъым комиссэм гу лъитащ бризерхэр пэшхэм щагъэувыну. Иноземцевэ къуажэм и Успенскэ члисэм комиссэм чэнджэщ щитащ уэздыгъэхэр члисэм щызэрахъуэкIыну. Апхуэдэу комиссэр щыIащ Иноземцевэ къуажэм Усекновения Главы Предтечи Иоанна и цIэр зезыхьэ члисэмрэ Железноводск къалэм Тхьэм и Анэм и Семистрельнэ тхьэнапэм и цIэр зезыхьэ члисэмрэ.