Епархием и архитектурно-ухуэныгъэ комиссэр Ипщэ Къэрэшей-Шэрджэс благочинием и члисэхэм щыкIуам хэтащ епархием ухуэныгъэмкIэ и къудамэм и щоджэн нэхъыжь Бондарчук Андрей, благочиннэм ухуэныгъэмкIэ и дэIэпыкъуэгъу щоджэн Саенкэ Иоанн, епархием и архитектор икIи хъумакIуэ Чечин Олег. Ищхъэрэ Къэрэшей-Шэрджэс благочинием и члисэхэм комиссэм и гъусэу щыIащ благочиннэ щоджэн нэхъыжь Нартов Александр.
Комиссэр щыIащ Зеленчукскэ станицэм и Петропавловскэ члисэм, абы и щIыунэр ягъэкъэбзэну, щIыхьэпIэбжэр ялэну къалэн щащIащ. Апхуэдэу члисэм и блынхэм я лъабжьэхэр ялэу зэхуэдэ ящIыну чэнджэщ иратащ. Карачаевскэ къуажэм и Кардоникскэ станицэм и члисэхэм щыкIуам, зэгъэпэщыжыныгъэ лэжьыгъэхэм зыхагъэгъуэзащ. Орджоникидзевскэ къуажэм и Варваринскэ члисэм щыкIуам комиссэм хэтхэм унафэщIым къалэн щащIащ жьы хъуа ухуэныгъэхэр ирахыу абы я пIэм гуэщ иращIыхьыну, удз гъэгъахэр абдеж щагъэтIысыну.
Ищхъэрэ Къэрэшей-Шэрджэс благочинием щыкIуам, Усть-Джегутэ къалэм и Михайловскэ члисэм комиссэм зыхагъэгъуэзащ куполыр зэрахъуэжам, барабаныр зэрагъэбыдам. Черкесск къалэм и Покров члисэм щыщыIам пхъэм къыхэщIыкIа унэлъащIэхэр дагъэкIэ ямылэну чэнджэщ иратащ, узыншагъэм ар зэран зэрыхуэхъунур къалъытэри. Ар члисэ псоми къагъэсэбэпын хуейщ, пхъэр дагъэкIэ зылэхэм. Георгиевскэ, Сергиевскэ члисэхэм я ухуэныгъэ-зэгъэпэщыжыныгъэ лэжьыгъэхэми кIэлъыплъащ комиссэр. Щихъ Радонижскйи Сергий и цIэр зезыхьэ члисэм и унафэщIым комиссэм къалэн щищIащ забор яухуэм ГъукIэкъул уэрамымкIэ хуэкIуэу гъущI хъар халъхьэну.