2025 гъэм дыгъэгъазэм и 23-м Георгиевскэ цIыхубз къулъшырыфым, Пятигорск, Черкесск щIыналъэхэм я архиепископ Феофилакт и унафэм щIэту щекIуэкIащ Епархием и советым и иужьрей зэIущIэрэ Пятигорск епархием и илъэс зэхыхьэрэ.
ЗэIущIэм и пэ къихуэу, архиепископ Феофилакт Патриаршэ щIыхь тхылъыр иритащ Лермонтовскэ члисэ округым дин щIэныгъэмрэ катехизацэмкIэ и къудамэм и унафэщI, благочиннэ щоджэн нэхъыжь Фаустов Константин. Пастыр нэхъыщхьэм и арэзыныгъэкIэ, Москварэ Урысей псомрэ я Патриарх Кирилл Константин хуигъэфэщащ члисэ дамыгъэ лъагэ, Члисэ ЛъапIэм хуищIа хэлъхьэныгъэхэмрэ и ныбжьыр илъэс 50 зэрырикъумрэ папщIэ.
Епархием и советым и зэIущIэм абы хэтахэр щытепсэлъыхьащ Епархием и Хъуромэ къеджэныгъэхэм кърикIуам, Пятигорск епархием и лIыкIуэхэр XXVII дунейпсо урыс цIыхубэ соборым и зэIущIэм зэрыхэтар къыхагъэщащ, Патриарх ЛъапIэ Кирилл фIыщIэ хуащIащ Налшык щихъ Иоанн Дыщэ Iупэ и къарум щыщ Iыхьэ къахьыну арэзы зэрытехъуам папщIэ фIыщIэ хуащIащ, КИФЩI-м и регентхэмрэ члисэ хорхэм я уэрэджыIакIуэхэмрэ я VIII конференцэ Пятигорск щекIуэкIар щIэщыгъуэ зэрыхъуар жаIащ, Епархием и зэхуэсыр зытеухуауэ щытынур яубзыхуащ.
Пятигорск епархием и илъэс зэхуэсым хэтащ члисэ округ хэхахэм щыщ щоджэнхэу, къулъшырыфхэм, мамыр цIыхухэм я лIыкIуэу цIыхуи 188-рэ. Зэхыхьэм хэтхэм яубзыхуащ Члисэ судым хэтынухэр икIи хахащ Епархием и советым хэтынухэр. Абы хагъэхьащ щоджэн нэхъыжь Копач Иоанн, щоджэн нэхъыжь Фещенкэ Стефан, щоджэн нэхъыжь Фомин Вячеслав, щоджэн Журавлев Михаил, щоджэн Гриценкэ Виталий, щоджэн Горкавченкэ Максим.
Епархием и лэжьыгъэм кърикIуахэр архиепископ Феофилакт и докладым къыщигъэлъэгъуащ епархием и къудамэхэм я лэжьыгъэхэр къипщытэжри. Пастыр нэхъыщхьэм тригъэщIащ екIуэлIапIэм и зэгухьэныгъэхэм я увыпIэм, пастыр къулъыкъум и щхьэхуэныгъэхэр зыхуэдэм. «Щоджэныр псом япэу лъапIэныгъэ зыщIэрщ. Литургиер сыт щыгъуи щоджэным и гуфIэгъуэ нэхъыщхьэу щытын хуейщ, япэ иригъэщу», - жиIащ Пастыр нэхъыщхьэм.
Зэхыхьэм хэтахэр члисэ гъащIэмрэ екIуэлIапIэмрэ я Iуэху зэIумыбзхэм къытеувыIащ.