2025 гъэм дыгъэгъазэм и 20-м ЕссэнтIыгу къалэм и Петропавловскэ члисэ комплексым и тхьэмахуэ школым щагъэлъэгъуащ Сытник Верэ и «Там, где земля встречается с Небом», «Первое паломничество» тхылъхэр.
Тхылъхэр траухуащ IуэхущIапIэр къызэрызэIуахам и тхыдэм, дэтхэнэ зы ухуэныгъэми щхьэхуэу щытопсэлъыхь абы.
Зэхыхьэм хэтащ ЕссэнтIыгу администрацэм и лIыкIуэхэр, къалэ думэм и депутат Кириакиди М. П., къалэ библиотекэм и лэжьакIуэхэр, прессэм къикIахэр, Петррэ Павелрэ я цIэр зезыхьэ члисэм и ктитор Алексов П. Н., Пятигорск епархием и «Кавказский Паломник» IуэхущIапIэм и унафэщI Логвиненкэ Л. Г., зыплъыхьакIуэ къезышэкIхэр, члисэм екIуалIэхэр.
Верэ къытеувыIащ тхылъыр зэригъэхьэзырам, зэхуэсахэр тепсэлъыхьащ къыдэкIыгъуэм теухуа я Iуэху еплъыкIэхэмкIэ. Зэхыхьэр гуапэу екIуэкIащ.
Члисэм и унафэщI щоджэн Гриценкэ Виталий хьэщIэхэм фIыщIэ яхуищIащ зэIущIэм зэрыхэтам папщIэ икIи гугъэ ящIащ Петропавловскэ члисэ комплексым иджыри щызэIущIэну.