2025 гъэм дыгъэгъазэм и 13-м, щихъ, апостол Первозванный Андрей и фэеплъ махуэм, Пятигорск, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ Новопавловск къалэм и Петропавловскэ члисэм. Члисэ ухуэныгъэр екIуэкIыху зэгухьэныгъэм тхьэлъэIу унэм тхьэлъэIу щрагъэкIуэкI.
Щоджэн нэхъыщхьэм къулыкъур драгъэкIуэкIащ Пятигорск епархием Новопавловск округым щиIэ щоджэнхэм благочиннэ, члисэм и унафэщI щоджэн Гордин Александррэ къардэн нэхъыжь Кубэ Димитрийрэ. Пастыр нэхъыщхьэм и гъусэу Тхьэ елъэIуащ къалэм щыпсэухэр.
Литургие нэужьым Щихънагъым апостол Андрей игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ. Архиепископ Феофилакт члисэм и лэжьакIуэхэм Кировскэ къалэ округым и унафэщI, «За труды на благо Пятигорской епархии» медалым и III нагъыщэр зыхуагъэфэща Новопашин Николай я гъусэу дамыгъэхэр яритащ.
ТхьэлъэIу нэужьым Пастыр нэхъыщхьэм щоджэнхэм я гъусэу Петропавловскэ члисэм и ухуэныгъэм зыхигъэгъуэзащ.