2025 гъэм щэкIуэгъуэм и иужьрей махуэм «Православная библиотека» Iуэхум хэтхэр Прохладнэ къалэм и Покров члисэм щызэхуэсащ, Анэхэм я махуэм теухуауэ.
ТхьэлъэIу литургие нэужьым тхьэмахуэ школым щеплъащ режиссёр Сукачев Александр и «Мамино письмо» художественно-документальнэ фильмым. Уэндэгъугъэм теухуа щытыкIэ гугъухэм я хэкIыпIэхэм теухуат ар. Фильмыр псоми гунэс ящыхъуащ икIи абы куэд къыпэджэжащ.
Кином и гугъу щащIым зэхуэсахэм къыхагъэщащ IэщIагъэлIхэм я псалъэхэр, уэндэгъугъэр зэрырагъэкъутэжым теухуауэ.
А махуэ дыдэм тхьэмахуэ школым и гъэсэнхэр ехъуэхъуащ анэхэмрэ анэшхуэхэмрэ я махуэмкIэ, я IэрыкIхэр тыгъэ хуащIри.
ЗэIущIэр и кIэм щынэблагъэм, члисэм и унафэщI щоджэн Калинин Евгений псоми яритащ Анэхэм я махуэм ирихьэлIэу игъэхьэзыра саугъэтхэр.