2025 гъэм щэкIуэгъуэм и 23-м, Тхьэм папщIэ бэлыхь куэд зрагъэшэча, ТекIуэныгъэ къэзыхьа Георгий и фэеплъ махуэм, Кисловодск къалэм апостол пэлъытэ Нинэ и цIэр зэрихьэу щаухуэ члисэм Пятигорск епархием Кисловодск округым щиIэ благочиннэ щоджэн нэхъыжь Знаменский Иоанн Кисловодск и члисэхэм я щоджэнхэм я гъусэу фIыщIэ тхьэлъэIур иригъэкIуэкIащ.
Махуэшхуэм Тхьэ щелъэIуну зэхуэсащ: яухуэ члисэм и ктитор Лобжанидзе Павел, куржы зэгухьэныгъэм и унафэщI, Ставрополь крайм и губернаторым и деж лъэпкъ IуэхухэмкIэ щыIэ Советым хэт Лобжанидзе Пётр, псапащIэхэр, члисэ ухуакIуэхэр, Кисловодск и къэзакъ зэгухьэныгъэм и къэзакъхэр, куржы зэгухьэныгъэр, къалэ-зыгъэпсэхупIэм щыпсэухэмрэ абы и хьэщIэхэмрэ.
Зэгъусэ тхьэлъэIу нэужьым благочиннэм Пятигорск, Черкесск щIыналъэхэм я архиепископ Феофилакт и хъуэхъур лъигъэIэсащ, «Иверия» лъэпкъ-щэнхабзэ автономиер илъэс 35-рэ зэрырикъумкIэ ехъуэхъуащ. Куржы зэгухьэныгъэм махуэшхуэр щагъэлъэпIащ щэкIуэгъуэм и 22-м. АдэкIэ члисэ ухуэныгъэм зэгъусэ тхьэлъэIу щащIащ.
Зэхуэсахэм хъуэхъукIэ захуигъэзащ Кисловодск благочинием и щоджэн нэхъыжь Лиманов Гермоген.
АдэкIэ Жорым я щхьэр хуагъэщхъащ, псыкIэ ягъэнэхуащ, дагъэ лъапIэм щыщ щахуащ.