2025 гъэм щэкIуэгъуэм и 23-м, махуэ щэ ныкъуэм къыкIэлъыкIуэ тхьэмахуэ 24-м, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Пятигорск и Спасскэ кафедральнэ соборым. Щоджэн нэхъыщхьэм къулыкъур драгъэкIуэкIащ соборым и щоджэнхэм, Урыс Чристэн Члисэм и Берлин-Герман епархием и клирик щоджэн нэхъыжь Устименкэ Борис. Пастыр нэхъыщхьэм и гъусэу къулыкъур ирагъэкIуэкIащ къалэм щыпсэухэмрэ зыгъэпсэхупIэм и хьэщIэхэмрэ.
Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи иритащ «За труды на благо Пятигорской епархии» медалым и II нагъыщэр Пятигорск администрацэм егъэджэныгъэмкIэ и Управленэм и унафэщI Васютинэ Наталье. Дамыгъэр хагъэфэщащ илъэс куэд щIауэ зэрызэдэлажьэмрэ Наталье и юбилейр къызэрыблагъэмрэ папщIэ.
Архиепископ Феофилакт Пятигорск епархием и ЩIалэгъуалэ центрым щепсэлъащ екIуэлIапIэм кIуэхэм.