2025 гъэм щэкIуэгъуэм и 13-м Пятигорск епархием и щоджэнхэмрэ къызэрыгуэкI цIыхухэмрэ Пятигорск, Черкесск щIыналъэхэм я архиепископ Феофилакт я пашэу кIуащ Уралым и къалащхьэ Екатеринбург къалэм.
Чристэн щэнхабзэм зыхагъэгъуэзащ Невьянскэ тхьэнапэм и мзеймкIэ. ЩIыналъэ лъапIэм Тхьэ елъэIуну кIуахэр зыубгъуауэ къытевыIащ тхьэнапэ школым и тхыдэм, теплъэхэм еплъащ.
ИужькIэ гупыр кIуащ Большой Златоуст члисэм. Ар 1847 гъэм яухуащ, 1930 гъэм зэхакъутащ икIи 2006 гъэм къагъэщIэрэщIэжащ. Иджыпсту ар зэманым екIу члисэщ. ФIэщхъуныгъэ зиIэ Верхотурский Симеон и къарум щыщ Iыхьэхэм зыхуагъэщхъащ япэу икIи Уралыр къэзыхъумэм уэрэд хужаIащ.
ТхьэлъэIу нэужьым Пятигорск епархием икIа гупым зыхагъэгъуэзащ минералхэм, музейм и тхыдэм.
А махуэ дыдэм Екатеринбург и «Союз» телеканалым щекIуэкIа «Архипастырь» нэтыным къыхышащ архиепископ Феофилакт. Нэтыным щэкIуэгъуэм и 19-м сыхьэт 20-м феплъ хъунущ. .