Москварэ Урысей псомрэ я Патриарх Кирилл и арэзыыгъэкIэ 2023 гъэм щыщIэдзауэ ди къэралым сабий-ныбжьыщIэ спорт джэгухэр щокIуэкI джыназ Невский Александр и цIэкIэ. 2025 гъэм фокIадэм и 9-15-хэм екIуэкIа ещанэ апхуэдэ джэгухэм иратащ дунейпсо Iуэху, Сербием, Белоруссием, Къэзэхъстаным, Мысырым, Гагаузием, Урысейм и щIыналъэ 74-м щыщхэр зэрыхэтам къыхэкIыу. Зэхьэзэхуэхэр спорт унэтIыныгъэ щхьэхуэхэм тету екIуэкIащ: футбол цIыкIу, баскетол, стIолыщхьэ теннис, самбо, шахмат. Зэпеуэхэм дин зэмылIэужьыгъуэхэм ит щIалэгъуалэр зэкъуагъэувэр. Патриарх ЛъапIэ Кирилл и арэзыныгъэкIэ гупхэр зэхьэзэхуэм спортсменхэм я нэIэм щIэт щоджэным и гъусэу къокIуэр. НыбжьыщIэхэр зэхьэзэхуэ мыхъуу, спорт текIуэныгъэхэр къахь. 2025 гъэм щэкIуэгъуэм и 11-м Пятигорск епархием и унэм щызэIущIащ физкультурэмрэ спортымкIэ Патриаршэ комиссэм и УнафэщI, Мурманскрэ Мончегорскрэ я митрополит Митрофанрэ Пятигорск, Черкесск щIыналъэхэм я архиепископ Феофилактрэ, Ставрополь крайм и ДУМ-м и унафэщI, муфтий Рахимов Мухьэммэд-хьэжы я гъусэу. Мухьэммэд-хьэжы митрополит Митрофан жриIащ щIэблэм я гъэсэныгъэм теухуа Iуэхугъуэхэм: еджапIэхэм зэрыщызэхуэзэм, щIалэгъуалэ лагерхэм я лэжьыгъэхэм, нэгъуэщI егъэджэныгъэ, социальнэ Iуэхухэм. Патриаршэ комиссэм и унафэщIым къыхуриджащ Ставропольемрэ Кавказ Ищхъэрэм и нэгъуэщI щIыналъэхэмрэ я щIалэгъуалэр нэхъ жыджэру хэтыну, Тэтэрстаным, Башкирием, Урысейм и нэгъуэщI щIыналъэхэм щыщ спортсменхэр щапхъэу къахуихьурэ. Муфтийм гугъэ ищIащ Урысейм ис, дин, лъэпкъ зэхуэмыдэхэм щыщ щIалэгъуалэр зэпеуэхэм зэкъуигъэувэну. Митрополит Митрофан фIыщIэ хуищIащ архиепископ Феофилакт зэхыхьэр къызэрызэригъэпэщамкIэ икIи Тхьэм и нэфI зыщыхуа Кавказым патриаршэ жэрдэмхэм зрызыщригъэужьым папщIэ. Митрополит Митрофан хэтащ Пятигорск епархием и Административнэ секретариатым и унафэщI щоджэн Яковенкэ Илиярэ епархием физкультурэмрэ спортымкIэ я зыужьыныгъэмкIэ жэуап зыхь щоджэн Тригуб Михаилрэ.