2025 гъэм щэкIуэгъуэм и 10-м Урысей МВД-м и управленэ нэхъыщхьэм КИФЩI-м щиIэ къудамэм зэхыхьэхэр щекIуэкIащ, Урысей Федерацэм къэралкIуэцI органхэм я лэжьакIуэхэм я махуэм теухуауэ. ХэкIуэда лэжьакIуэхэм я фэеплъым деж щызэхуэсащ полицэхэм я унагъуэхэм щыщхэр, Жылагъуэ советым и унафэщI, милицэм и генерал-майор пенсэм тIысыжа Сикоев Сослан, Пятигорск, Черкесск щIыналъэхэм я архиепископ Феофилакт, Ставрополь крайм и муфтий Рахимов Мухьэммэд, КИФЩI-м и ОВД-м и Координацэ советым и ветеранхэм я унафэщI Гречкэ Владимир, унафэщIхэр, управленэ нэхъыщхьэм и ветеранхэр.
Зэхуэсахэм я пащхьэм къыщыпсэлъащ ирагъэблэгъа хьэщIэхэр, хабзэхъумэ IэнатIэхэм я органхэм къулыкъу щыпщIэныр мыхьэнэшхуэрэ жэуаплыныгъэ инрэ зыпылъ IэнатIэу зэрыщытыр, цIыхухэм уахуэщхьэпэн папщIэ лIыгъэрэ хахуагъэрэ пхэлъын зэрыхуейр, цIыху акъылыфIэу ущытын, цIыху гъащIэр а IэнатIэм зэриуасэр къыхагъэщащ. И хьэл-щэн нэхъыфIхэр къыщигъэлъэгъуэн хуейщ а къулыкъум пэрытым, захуэу, цIыхухэм ядэIэпыкъуну хьэзыру, хуей щыхъукIэ я гъащIэр ятыну хьэзыру.
Зэхуэсахэм ягу къагъэкIыжащ хэкIуэдахэм зы дакъикъэкIэ яхуэщыгъуэри икIи Урысей МВД-м и управленэ нхъыщхьэу КИФЩI-м щыIэм и лэжьакIуэхэм я фэеплъым удз гъэгъахэр тралъхьащ.
Актовэ пэшым зэхыхьэ щызэхэтащ ик1и абы щагъэлъэп1ащ къыхэжанык1а лэжьак1уэхэр.