Суворовскэ станицэм ЦIыхубэ зэкъуэтыныгъэм и махуэмрэ станицэр къызэрызэрагъэпэщрэ илъэс 200 зэрырикъумрэ щагъэлъэпIащ.
Хабзэ зэрыхъуауэ махуэшхуэ тхьэлъэIу литургие нэужьым Верэ, Надеждэ, Любовь, абыхэм я анэ Софие я цIэр зезыхьэ члисэм зэгъусэ тхьэлъэIукIэ щрагъэжьащ Тхьэм и Анэм и Къэзан тхьэнапэм деж, блэкIа лIэщIыгъуэм и 30 гъэхэм зэхакъутауэ щытам.
Члисэм и унафэщI щоджэн нэхъыжь Иванилов Роман тхьэлъэIу иригъэкIуэкIащ Тхьэм и Анэм и акафистыр жиIэу. ТхьэлъэIум щызэхуэсащ къэзакъхэмрэ станицэм щыпсэухэмрэ.
Станицэм и ут нэхъыщхьэм махуэшхуэр щагъэлъэпIащ, IэпщIэлъапщIэхэм я жармыкIэ къыщызэрагъэпэщащ, къэзакъхэм я шхыныгъуэхэмкIэ зэхуэсахэр ягъэхьэщIащ.