Тэрч къэзакъыдзэм щекIуэкIащ атаманхэм я зи мычэзу зэIущIэ. Абы хэтащ Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан. Нэхъыщхьэу тепсэлъыхьащ Тэрчыдзэм и атаманым и къалэнхэр зыгъэзащIэ Савченкэ Владимир и узыншагъэм къимыхьыу и къулыкъур къызэригъэнам. ПIалъэкIэ а къулыкъур игъэзэщIэну хахащ Ставрополь крайм и атаман, къэзакъ полковник Куликов Александр. Атаманыр щыхахынущ Тэрчыдзэм и зэхуэсышхуэм.