2025 гъэм щэкIуэгъуэм и 5-м Пятигорск, Черкесск щIыналъэхэм я архиепископ Феофилакт иригъэкIуэкIащ Пятигорск епархием и зи чэзу зэIущIэр.
Пастырь нэхъыщхьэм советым хэтхэмрэ члисэ округхэм я благочиннэхэмрэ щигъэгъуэзащ Москварэ Урысей псомрэ я Патриарх Кирилл и резолюцэм, 2024 гъэм Пятигорск епархием и Iуэхухэм теухуам. Урыс Члисэм и Iэтащхьэм лъагэу къилъытащ дзэм къулыкъу щызыщIэхэм я нэIэ зэрытетымрэ епархием и егъэджэныгъэ Iуэхухэмрэ, «Радость форума» зэхуэсымрэ КИФЩI-м и монаххэм я зэIущIэмрэ зэрырагъэкIуэкIар.
Зэхыхьэм хэтхэр ирагъэдэIуащ шыщхьэуIум егъэджакIуэхэм я конференцэ зэрызэхэтам, Баталпашинскэ къеджэныгъэхэм, шы спортымкIэ урысейпсо спартакиадэм, Губиным и къеджэныгъэхэм теухуа докладхэм. Апхуэдэу хэплъащ «Вера и слово» фестивалым кърикIуахэм, щоджэнхэм я щIэныгъэм щыхагъэхъуа курсхэм.
КъищынэмыщIауэ, Епархием и Советым и зэIущIэм Епархием и зэхуэсыр щекIуэкIынур щагъэбелджылащ. 2025 гъэм дыгъэгъазэм и 23-м ар траухуащ.