2025 гъэм жэпуэгъуэм и 28-м, щихъ Новый Евфимий, Солунский и фэеплъ махуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ КъБР-м и Екатериноградскэ станицэм и Евфимовсэ члисэм. А махуэм станицэдэсхэм ягъэлъэпIащ члисэр зэрагъэнэхурэ илъэси 175-рэ зэрырикъур.
Щоджэн нэхъыщхьэм къулыкъур драгъэкIуэкIащ Пятигорск епархием Налшык щиIэ округым и щоджэнхэм благочиннэ щоджэн нэхъыжь Бобылев Валентинрэ къардэн нэхъыжь Кубэ Димитрийрэ. Пастыр нэхъыщхьэм и гъусэу тхьэ елъэIуащ къэзакъхэмрэ станицэм щыпсэухэмрэ.
Литургие нэужьым зэгъусэ тхьэлъэIу ирагъэкIуэкIащ, щихъ Евфимий ягъэлъэпIащ, фIэщхъуныгъэ зиIэхэм узэщIыныгъэкIэ зыхуагъэзащ, екIуэлIапIэм и лэжьакIуэхэмрэ псапащIэхэмрэ щIыхь тхылъхэр иратащ.