Пятигорск, Черкесск щIыналъэхэм я архиепископ Феофилакт и арэзыныгъэкIэ 2025 гъэм жэпуэгъуэм и 20-м щыщIэдзауэ 30 пщIондэ Пятигорск епархием и щоджэни 127-м я щIэныгъэр щыхагъахъуэ курсхэм.
Курсхэр ирагъэкIуэкIынымкIэ жэрдэмкIэ зыхуигъэзащ архиепископ Феофилакт Ставрополь митрополием и Архиерей Советымрэ Ставрополь духовнэ семинарием и унафэщIхэмрэ. Советыр арэзы техъуащ курсхэр ирагъэкIуэкIыным, семинарием и унафэщIым дерсхэр зэрырагъэкIуэкIынур иубзыхуащ икIи егъэджакIуэхэм я пащхьэ ирилъхьащ.
Япэ зэIущIэм хыхьэу зэхыхьэм хэтахэм зыхагъэгъуэзащ Урыс Чристэн Члисэм и аспектхэм. Гулъытэ нэхъыбэ хуащIащ чристэн Члисэм и литургие гъащIэм.
Курсхэм я етIуанэ махуэм зыубгъуауэ къытеувыIащ катехизацэм и тхыдэм, умэхъын щIыным, чристэн диным пасэ лIэщIыгъуэм зэрыхыхьам. Семинарием и егъэджакIуэ щоджэн нэхъыжь Струполев Сергий и къэпсэлъэныгъэр щIэщыгъуэ ящыхъуащ. Ар къытеувыIащ Урыс Чристэн Члисэм и тхылъыщIэхэм, члисэмрэ къэрал унафэщIхэмрэ зэрызэдэлажьэм.
Курсхэм я ещанэ махуэр траухуащ пастыр къулыкъум. Щоджэн Пыхтин Алексей гулъытэ хуищIащ а щэхухэм зыхуэгъэхьэзырыным. Дерсым хыхьэу зыубгъуауэ къытеувыIащ сабий сымаджэхэр зэрагъэкъабзэм, фошыгъу уз зыпкъырыту екIуэлIапIэм кIуэхэм, нэгъуэщIхэми. Курсхэм екIуалIэхэм я упщIэхэм жэуап иратащ, я Iуэху еплъыкIэхэмкIэ зэхъуэжащ.
ЕплIанэ махуэр траухуащ екIуэлIапIэм и миссиологием. Щоджэн нэхъыжь Волков Владимир иджырей псапэ Iуэхум къытеувыIащ, Члисэмрэ жылагъуэмрэ гулъытэ нэхъыбэ яхуищIри. ЕгъэджакIуэр зыубгъуауэ тепсэлъыхьащ социальнэ Iуэхухэм, духовнэ лъапIэныгъэхэр къэгъэсэбэпынымкIэ чэнджэщхэр яритащ, екIуэлIапIэм кIуэхэм я зэпыщIэныгъэр ягъэбыдэн папщIэ. Зэхыхьэм хэтхэм чэнджэщ иратащ журналистхэм зэрепсэлъэнумкIэ.
Пастырхэм дерсхэм зыщыщыхагъэгъуазэ зэхыхьэхэм богословскэ, пастыр щIэныгъэхэм зыщрагъэубгъу, щIэныгъэм зэрызиужьым хуэдэу.
Практикэ семинархэм хэткIэрэ, щоджэнхэм я щIэныгъэм хагъахъуэ, Урыс Чристэн Члисэм и гъащIэм зыхагъэгъуазэ, социальнэ Iуэхухэр къыдэкIуэу, псапэ, катехизацэ, пастыр, щIалэгъуалэ Iуэхухэм ехьэлIа иджырей Iэмалхэм, технологиехэм зыщагъэгъуазэр.
Члисэ щапхъэм тет тхылъ иратыж курсыр къэзыухахэм.