ЕссэнтIыгу и кадет школ №5-м тхьэрыIуэ щащIащ кадет-еджакIуэ 28-м. ГуфIэгъуэ зэхыхьэм хэтащ къалэм и Iэтащхьэм и къуэдзэ Поповэ Надеждэ, къалэ Думэм и унафэщI Гавриловэ Валентинэ, къалэм и ветеранхэм я Советым и унафэщI Полянский Владимир.
Зэхыхьэм хэтащ Пятигорск епархием ЕссэнтIыгу щиIэ округым и благочиннэ щоджэн нэхъыжь Фещенкэ Стефан, махуэшхуэм хэтахэм Пятигорск, Черкесск щIыналъэхэм я архепископ Феофилакт и арэзыныгъэр ялъэзыгъэIэсар, кадетхэм я унагъуэм зэрахыхьамкIэ ныбжьыщIэхэм ехъуэхъуам икIи а тхьэрыIуэм и мыхьэнэм къытеувыIам.