«Вера и слово» XI дунейпсо фестивалыр жэпуэгъуэм и 15-19 махуэхэм щызэхэтащ Москварэ Урысей псомрэ я Патриарх Кирилл и арэзыныгъэкIэ узыншагъэр щрагъэфIакIуэ «Снегири» IуэхущIапIэм.
Фестивалм хыхьэу абы хэтхэр IущIащ Патриарх Кирилл, зэхыхьэ куэдым хэтащ, епархием и хъыбарегъащIэ IэнатIэхэм я лэжьакIуэхэм я щIэныгъэр хэгъэхъуэным ехьэлIахэм, я Iуэху еплъыкIэхэмкIэ зэхъуэжащ, Iуэху зэIумыбзхэм я хэкIыпIэхэм къытеувыIащ.
Пятигорск епархием къыбгъэдэкIыу фестивалым хэтащ епархием и хъыбарегъащIэ-тхылъ тедзапIэ къудамэм и унафэщI щоджэн нэхъыжь Самохин Михаил.
Епархием и лIыкIуэм Москварэ Урысей псомрэ я Патриарх Кирилл упщIэкIэ зыхуигъэзащ, Члисэмрэ жылагъуэмрэ хъыбарегъащIэ IуэхущIапIэхэмрэ я зэхущытыкIэхэмкIэ Синод къудамэм и деж щыIэ щоджэн-блогерхэм я Советым и зэIущIэм хэтащ.
Пятигорск, Черкесск щIыналъэхэм я архиепископ Феофилакт и каналым къыхуагъэфэщащ «Лучший телеграм-канал архиерея» унэтIыныгъэм и саугъэтыр.