2025 жэпуэгъуэм и 9-м, щихъ Тихон и фэеплъ махуэм, Москварэ Урысей псомрэ я патриархым, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ КъШР-м и Курджиновэ къуажэм и щихъым и цIэр зезыхьэ члисэм.
ТхьэлъэIум и пэ къихуэу Пастыр нэхъыщхьэр IущIащ кадет классым и къэзакъ щIэблэм. Щоджэн нэхъыщхьэм къулыкъур драгъэкIуэкIащ Пятигорск епархием и Ипщэ Къэрэшей-Шэрджэс округым и щоджэнхэм благочиннэ щоджэн нэхъыжь Субтельный Евгенийрэ къардэн нэхъыжь Кубэ Димитрийрэ я пашэу.
Литургие нэужьым Щихънагъым зэгъусэ тхьэлъэIур иригъэкIуэкIащ, щихъ Тихон ягъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ. Архиепископ Феофилакт екIуэлIапIэм кIуэхэм епсэлъащ.