2025 гъэм фокIадэм и 1-м Пятигорск епархием и екIуэлIапIэхэм я щоджэнхэр школхэм щыIащ икIи ехъуэхъуащ сабийхэм, егъэджакIуэхэм, адэ-анэхэм. Мы гъэм япэу щоджэнхэм зыхуагъэзащ Пятигорск, Черкесск щIыналъэхэм я архиепископ Феофилакт зэразыхуигъазэр.
ЩIэныгъэм и махуэм, 2025 гъэм фокIадэм и 1-м, Пятигорск епархием и Административнэ секретариатым и унафэщI щоджэн Яковенкэ Илья Ставрополь крайм и губернатор Владимиров Владимир, Урысей Федерацэм и Къэрал Думэм и депутат Казаковэ Ольгэ, къалэм и мэр Ворошилов Дмитрий, егъэджэныгъэмкIэ управленэм и унафэщI Васютинэ Наталье и гъусэу хэтащ щIэныгъэм и махуэр Лазаревскэ члисэм пэгъунэгъу школ №2-м къыщызэIуахым. Егъэджэныгъэ IуэхущIапIэр къызэIуахащ ар капитальнэу зэрагъэпэщыжа нэужь. ХьэщIэ лъапIэхэм унэлъащIэрэ IэмэпсымэхэмкIэ къызэрагъэпэща классхэм зыщрагъэплъыхьащ. ИтIанэ зэхуэсыр ирагъэкIуэкIащ.
ЩIэныгъэм и махуэм Пятигорск епархием и Минераловодскэ округым и благочиннэ щоджэн нэхъыжь Копач Иоанн щыIащ Минераловодскэ районым и Сунжэ къуажэм и школ №17-м. Зэхуэсым хэтащ Ставрополь крайм и Правительствэм и унафэщIым и япэ къуэдзэ Хлопянов Андрей, Минераловодскэ округым и администрацэм егъэджэныгъэмкIэ и управленэм и унафэщI Безруких Людмилэ, Минераловодскэ мцниципальнэ округым и Iэтащхьэ Гаранжэ Максим. Благочиннэм махуэшхуэм хэтхэм ялъигъэIэсащ Пятигорск, Черкесск щIыналъэхэм я архиепископ Феофилакт и фIэхъусымрэ хъуэхъумрэ. Ар еджакIуэхэм, егъэджакIуэхэм, адэ-анэхэм ехъуэхъуащ гъэ еджэгъуэщIэм Тхьэр къадэIэпыкъуну. Щоджэн Переверзов Александр Капельницэ къуажэм курыт еджапIэр къыщызэIуахым хэтащ. Махуэшхуэм хэтащ Ставрополь крайм и губернатор Владимиров Владимир, Ставрополь крайм егъэджэныгъэмкIэ и министр Смагинэ Марие, Къэрал думэм и депутат Казаковэ Ольгэ, Железноводск къалэм и Iэтащхьэ Бакулин Евгений. Благочинием и школхэм щоджэнхэр щыхъуэхъуащ.
Лермонтовскэ члисэ округым и щоджэнхэр хэтащ школым и махуэшхуэхэм, еджакIуэхэм, егъэджакIуэхэм, адэ-анэхэм ехъуэхъуащ икIи архиепископ Феофилакт и хъуэхъум къеджащ гъэ еджэгъуэщIэм папщIэ.
Школым ирагъэблагъэри, Архыз Ищхъэрэ къуажэм Жугинэ Марие зэхуэсым хэтащ, гъэ еджэгъуэщIэм траухуам. Апхуэдэу абы хэтащ къуажэ члисэм и иеромонах Елевферий (Казаков). Щоджэным егъэджакIуэхэмрэ еджакIуэхэмрэ фIэхъускIэ захуигъэзащ.