Пщыхьэщхьэм шыщхьэуIум и 27-м, Тхьэм и Анэм и Успения махуэшхуэм, Пятигорск, Черкесск щIыналъэхэм я архиепископ Феофилакт иригъэкIуэкIащ ЕссэнтIыгу станицэм и Успенскэ члисэм и махуэшхуэ тхьэлъэIур. Щоджэн нэхъыщхьэм къулыкъур драгъэкIуэкIащ Пятигорск епархием и Административнэ секретариатым и унафэщI щоджэн Яковенкэ Илия, ЕссэнтIыгу члисэ округым и щоджэнхэм благочиннэ щоджэн нэхъыжь Фещенкэ Стефанрэ къардэн нэхъыжь Кубэ Димитрийрэ. ТхьэлъэIум хыхьэу архиепископ Феофилакт СПбДА-м и бакалавриатыр къэзыуха Тростинский Кирилл и иподиакон постригыр иригъэкIуэкIащ. ТхьэлъэIу нэужьым Щихънагъым щоджэнхэмрэ фIэщхъуныгъэ зиIэхэмрэ захуигъэзащ хъуэхъукIэ.
ШыщхьэуIум и 28-м, махуэшхуэм Пастыр нэхъыщхьэм тхьэлъэIу литургие щригъэкIуэкIащ Успенскэ Второафонскэ Бештаурскэ цIыхухъу къулъшырыфым и Успенскэ соборым. Щоджэнархимандритым къулыкъур драгъэкIуэкIащ къулъшырыфым щыIэхэм, ЕссэнтIыгу станицэм и Екатерининскэ члисэм и унафэщI щоджэн Тростинский Сергий, къардэн нэхъыжь Кубэ Димитрий. Щоджэн нэхъыщхьэм и гъусэу Тхьэ елъэIуащ къулъшырыфым Тхьэ елъэIуну кIуахэр. Литургием хыхьэу архиепископ Феофилакт иподиакон Тростинский Кирилл къардэн къулыкъур хуигъэфэщащ. Литургие нэужьым щихънагъым зэгъусэ тхьэлъэIур иригъэкIуэкIащ икIи фIэщхъуныгъэ зиIэхэм узэщIыныгъэкIэ захуигъэзащ.