Ярошенкэ Николай и цIэр зезыхьэ музейм щрагъэжьащ «Наследие и наследники» фэеплъ зэхыхьэхэр. Ар теухуащ урыс сурэтыщIыр дунейм зэрехыжрэ илъэси 127-рэ зэрырикъум.
2025 гъэм зэхуэсыр къызэIуахащ бадзэуэгъуэм и 7-м – художник, жылагъуэ лэжьакIуэ, псапащIэ Ярошенкэ Николай и фэеплъ махуэм. Зэхыхьэм хэтахэр щызэхуэсащ Кисловодск къалэм и Никольскэ соборым, урыс сурэтыщI цIэрыIуэм папщIэ тхьэлъэIум хэтыну.
Соборым и унафэщI щоджэн нэхъыжь Знаменский Иоанн тхьэлъэIу щригъэкIуэкIащ Ярошенкэ Николай щыщIалъхьэжа щIыпIэм деж. ТхьэлъэIу нэужьым Иоанн зэхуэсахэм ягу къигъэкIыжащ дэтхэнэ зы цIыхури щэ къызэралъхур. Александро-Невскэ лаврым и Лазаревскэ кхъэм и кхъащхьэхэм тет эпитафиер ягу къигъэкIыжащ:
«Прохожий ты идешь, но ляжешь так, как я!
Присядь и отдохни на камне у меня.
Сорви былиночку и вспомни о судьбе, -
Я дома! Ты в гостях - подумай о себе!».
Щоджэным тхьэлъэIум хэтхэр къыхуриджащ пэжу псэуну, Николайрэ и щхьэгъусэ Мариерэ хуэдэу. Ахэр щыщIалъхьэжащ члисэм пэгъунэгъуу.
Музейм и лэжьакIуэхэр, Кисловодск щыпсэухэмрэ абы и хьэщIэхэмрэ урыс сурэтыщI цIэрыIуэм и кхъащхьэм удз гъэгъахэр тралъхьащ.