2025 гъэм бадзэуэгъуэм и 9-м, епархием и «Зелёный Афон» щIалэгъуалэ зэхуэсым и утым Пятигорск, Черкесск щIыналъэхэм я архиепископ Феофилакт щаIущIащ I сменэм хэтхэм. ЗэIущIэм хэтащ зэхуэсым и унафэщI, Успенскэ Второафонскэ Бештаурскэ цIыхухъу къулъшырыфым и игумен Михаил (Гичко).
Зэпсэлъэныгъэр щрагъажьэм, Щихънагъыр тепсэлъыхьащ къулъшырыфым и иджырей гъащIэм. МафIэм деж щекIуэкIа зэпсэлъэныгъэм хыхьэу Iуэхугъуэ зыбжанэ къаIэтащ Успенскэ соборыр къызэгъэпэщынымрэ абы и унэлъащIэхэр зыхуэдэмрэ теухуауэ. НыбжьыщIэхэм яфIэгъэщIэгъуэнт нэгъуэщI дин итхэм хуаIэ зэхущытыкIэхэр, Афон бгым и тхьэлъэIу гъащIэр, нэгъуэщI члисэхэм къыщекIуэкIхэр. Щоджэн нэхъыщхьэм и Iуэху еплъыкIэхэр къигъэлъэгъуащ зэныбжьэгъугъэм, зыр адрейм дэIэпыкъуным теухуауэ. Чэнджэщ яритащ зэманыр пщIэншэу ямыгъэкIуэну, гъащIэм и зы дакъикъэри ялъытэну.
Архиепископ Феофилакт зэхыхьэм хэта дэтхэнэми фIыщIэ хуищIащ, къахуэнэжа зэманыр щхьэпэу ягъэкIуэгну чэнджэщ яритри, ныбжьэгъу пэжу зэхущытыну, балигъыпIэ иувауэ, я фIэщхъуныгъэр ягъэбыдауэ унэм кIуэжыну.