2025 гъэм мэкъуауэгъуэм и 24-м ЕссэнтIыгу къалэ-зыгъэпсэхупIэм и Администрацэм и жэрдэмкIэ екIуэкIащ дзэ Iуэху хэхам хэкIуэдахэм я щхьэгъусэхэм я зэIущIэ.
Абы щызэхуэсащ къалэм и Iэтащхьэ Крутников Владимир, псапэ IуэхущIапIэхэм я лIыкIуэхэр.
Пятигорск, Черкесск щIыналъэхэм я архиепископ Феофилакт и арэзыныгъэкIэ зэIущIэм хэтащ Пятигорск епархием ЕссэнтIыгу щиIэ округым и благочиннэ щоджэн нэхъыжь Фещенкэ Стефан, Епархием и «Анэхэм папщIэ унэ» кризис центрым и унафэщI Рубец Ларисэ.
Стефан зэхыхьэм хэтхэм яжриIащ Щихънагъым и псалъэхэр икIи къэблагъэ тхьэмахуэм члисэм щызэхуэсыну къыхилъхьащ. Ларисэ центрым и лэжьыгъэхэм къытеувыIащ, Пятигорск епархием щытыкIэ гугъу ихуа цIыхухэм яхуищIэ социальнэ дэIэпыкъуныгъэхэри хыхьэу.
ЗэIущIэ нэужьым, благочиннэм щихънагъ Феофилакт къыбгъэдэкIыу ХъыбарыфIхэр зэрыт тхылъ лъапIэр яритащ.