2025 гъэм накъыгъэм и 9-м Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Пятигорск и Лазаревскэ члисэм. Щоджэн нэхъыщхьэм къулыкъур драгъэкIуэкIащ къалэм и члисэхэм я щоджэнхэм члисэм и унафэщI, Пятигорск епархием и Административнэ секретариатым и унафэщI щоджэн Яковенкэ Илия я пашэу. Пастыр нэхъыщхьэм и гъусэу Тхьэ елъэIуащ къалэм щыпсэухэмрэ зыгъэпсэхупIэм и хьэщIэхэмрэ. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ.
А махуэ дыдэм архиепископ Феофилакт удз гъэгъахэр трилъхьащ Пятигорск щыIэ фэеплъым икIи IутIыж тхьэлъэIур иригъэкIуэкIащ хэкIуэдахэм папщIэ.
Зэхыхьэм хэтащ Пятигорск къалэм и Iэтащхьэ Ворошилов Дмитрий, ветеранхэр, къалэм и члисэхэм я щоджэнхэр, депутатхэр, къалэ администрацэм и лIыкIуэхэр, хабзэхъумэ IэнатIэхэм я лэжьакIуэхэр, IуэхущIапIэхэмрэ жылагъуэ зэгухьэныгъэхэмрэ я унафэщIхэр, ветеранхэр, армеец ныбжьыщIэхэр, къалэм щыпсэухэмрэ абы и хьэщIэхэмрэ.
***
Пятигорск щыщу Хэку зауэшхуэм цIыху мин 22-рэ кIуащ. Абы щыщу мин 12-р хэкIуэдащ, Хэкур яхъумэу. Къалэм цIыху мини 4 фIэкIуэдащ къыщаухъуреихьам. Пятигорск къалэ-сымаджэщ хъуауэ щытащ: санаторэхэмрэ зыгъэпсэхупIэхэмрэ къыщызэIуахри. Дзэ Плъыжьым и зауэлI 900-м щыщу Пятигорск зи узыншагъэр щезыгъэфIэкIуа 750-р зауэм Iухьэжауэ щытащ.