2025 гъэм накъыгъэм и 7-м Пятигорск, Черкесск щIыналъэхэм я архиепископ Феофилакт благочиннэ щоджэн нэхъыжь Знаменский Иоаннрэ Пятигорск епархием Кисловодск щиIэ округым и щоджэнхэмрэ Кисловодск къалэм и Малое Седло бгым Преображения члисэм и ухуэныгъэм и япэ мывэр щагъэтIылъащ.
ТхьэлъэIум хэтащ «Южный Федеральный центр спортивной подготовки» ФГБУ-м и унафэщI Юшаев Азэмэт. ТхьэлъэIум хэтащ щоджэн нэхъыщхьэм ухуэныгъэмкIэ и дэIэпыкъуэгъу Музенитов Павел, къалэ-зыгъэпсэхупIэм щыпсэухэмрэ абы и хьэщIэхэмрэ.
Щихънагъ Феофилакт зэхуэсахэм фIэхъускIэ захуигъэзащ. Абы къыхигъэщащ дэтхэнэ зы чристэн цIыхум и дежкIи члисэм мыхьэнэшхуэ зэриIэр. «...Гугъэ уэзыгъэщIщ школым ди сабийхэр щыщIыхьэкIэ узэрагъэгуфIэр. Ди гум гугъэ къыщыунэхур адэ-анэм я унэм дыщыщIыхьэрщ. Сыт хуэдиз гугъэ къэунэхурэ члисэм дыщыщIыхьэкIэ. Ди сабийхэм папщIэ Тхьэ делъэIуфынущ, Тхьэм къыдитахэмкIэ. ЦIыху тэмэму къызэрыхъуамкIэ Тхьэм делъэIуфынущ. Адэ-анэхэм папщIи Тхьэ делъэIуфынущ. Члисэм дигу къыщыдгъэкIыжыфынущ нэгъуэщI щIыпIэ щыдмылъагъу цIыхухэри, дунейм ехыжахэри. ГугъэфI уэзыгъэщIщ Тхьэм и унэр...».
Азэмат Сайд-Эмиевич Щихънагъым тыгъэ хуищIащ Грознэ къалэм и Михайловскэ члисэм и теплъэр къызэрыщ сурэтыр.